Foto: SQO TJD
Petropavlda kópqabatty úidiń birindegi páterde bolǵan órt saldarynan órt saldarynan úsh jasar bala kóz jumdy, - dep habarlaidy "Ult aqparat".
Oblystyq tótenshe jaǵdailar departamenti málimetinshe, búgin, 24 qazanda saǵat 10:00-de 10 qabatty turǵyn úidiń 9-qabatynda órt shyqqan.
Soltústik Qazaqstan oblysy TJD órt sóndirý qyzmetiniń brigadasy "101" nómirine qońyraý túskennen keiin eki minýttan soń órt ornyna jetken.
"Kelgen kezde páterde jihaz ben úi zattary órtenip jatty. Sóndirý barysynda 10 adam evakýatsiialandy. Saǵat 10:14-te órt sóndirý qyzmeti jalyndy sóndirdi - jeke quramnyń 12 adamy jáne 4 tehnika.
Órt saldarynan ýlanyp qalǵan 2020 jyly týǵan bala jedel meditsinalyq járdem qyzmetkerlerine tapsyryldy. Dárigerler balanyń qaitys bolǵanyn anyqtady", - delingen SQO TJD baspasóz qyzmeti habarlamasynda.
Órt sebebi men shyǵyny anyqtalyp jatyr. Órt aýmaǵy - 25 sharshy metr.
