Foto: pkzsk.info
Petropavlda №4 mektepte tótenshe jaǵdai boldy. 9-synyp oqýshylarynyń biri mektepke balta men pyshaq ákelip, sabaq bastalar aldynda joǵary synyp oqýshylaryna shabýyl jasaǵan, - dep habarlaidy Tengrinews.kz portaly Petropavlovsk.news saityna silteme jasap.
Shabýyl týraly aqparat pablikterde paida bola bastady. Onda 9-synyp oqýshysynyń mektepke balta men pyshaq ákelip, ájethanada betperde kiip, dálizge shyǵyp, úsh oqýshyny jaraqattaǵany aitylǵan.
Eki bala basy men bileginen pyshaq jaraqatyn alyp balalar aýrýhanasynda jatyr, úshinshi balaǵa sol jerde meditsinalyq kómek kórsetilgen. Zardap shekken balalar 10 jáne 9-synypta oqidy.
Soltústik Qazaqstan oblysynyń prokýratýrasy men oblystyq politsiia departamenti oqiǵany rastap, zardap shekkenderdiń barlyǵy oblystyq balalar aýrýhanasyna jetkizilgenin jáne olar esin biletinin aitty.
"Politsiia qyzmetkerleri kámeletke tolmaǵan D.-ny ustady, bul fakt boiynsha Qylmystyq kodekstiń 24-baby 3-bóligi - 99-baby 2-bóligi 1, 14-tarmaǵy "Adam óltirýge oqtalý" boiynsha sotaldy tergeý bastaldy. Aldyn ala málimet boiynsha, kámeletke tolmaǵan D. psihiatriialyq baqylaýǵa alynǵan. Kámeletke tolmaǵan bala men mektep ákimshiliginiń áreketine sotaldy tergep-tekserý aiasynda quqyqtyq baǵa beriledi. Qalǵan mán-jai anyqtalyp jatyr", - delingen habarlamada.
