CC0 / pixabay.com /
Petropavlda gazben júretin avtokólik jarylyp ketti, dep habarlaidy Sputnik Qazaqstan agenttigi Soltústik Qazaqstan oblysy tótenshe jaǵdailar departamentiniń baspasóz qyzmetine silteme jasap.
"30 sáýirde saǵat 07:26-da órt sóndirý qyzmetiniń 101 telefonyna Chaikovskii kóshesi, 4 mekenjaiynda gazben júretin Audi jeńil avtokóligi janyp jatqany týraly aqparat kelip tústi. Órt sóndirýshiler jetkengen deiin gaz ballony jarylyp ketti. Zardap shekkender men qaitys bolǵandar joq", - dep habarlady tótenshe jaǵdailar departamenti.
Saǵat 07:40-ta bir órt sóndirý mashinasy men alty adamnan quralǵan kezekshi qyzmetkerler jalyndy sóndirdi.
Aldyn ala boljam boiynsha, elektr symynyń qysqa tuiyqtalýy órtke alyp kelgen.
Áleýmettik jelide qala turǵyndary jarylys kúshinen jaqyn mańdaǵy úilerdiń terezesine syzat túskenin jazdy.
Tótenshe jaǵdailar departamenti avtokóliktiń elektr jabdyǵyna ýaqytyly diagnostika júrgizý qajettiligi týraly eskertti. Sebebi kóp jaǵdaida janarmai júiesindegi aqaý men qysqa tuiyqtalý kóliktiń órtenýine alyp keledi. Avtokólik 5-7 minýt ishinde tolyǵymen janyp ketedi.
