CC0 / pixabay.com /
پەتروپاۆلدا گازبەن جٷرەتٸن اۆتوكٶلٸك جارىلىپ كەتتٸ, دەپ حابارلايدى Sputnik قازاقستان اگەنتتٸگٸ سولتٷستٸك قازاقستان وبلىسى تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
"30 سەۋٸردە ساعات 07:26-دا ٶرت سٶندٸرۋ قىزمەتٸنٸڭ 101 تەلەفونىنا چايكوۆسكيي كٶشەسٸ, 4 مەكەنجايىندا گازبەن جٷرەتٸن Audi جەڭٸل اۆتوكٶلٸگٸ جانىپ جاتقانى تۋرالى اقپارات كەلٸپ تٷستٸ. ٶرت سٶندٸرۋشٸلەر جەتكەنگەن دەيٸن گاز باللونى جارىلىپ كەتتٸ. زارداپ شەككەندەر مەن قايتىس بولعاندار جوق", - دەپ حابارلادى تٶتەنشە جاعدايلار دەپارتامەنتٸ.
ساعات 07:40-تا بٸر ٶرت سٶندٸرۋ ماشيناسى مەن التى ادامنان قۇرالعان كەزەكشٸ قىزمەتكەرلەر جالىندى سٶندٸردٸ.
الدىن الا بولجام بويىنشا, ەلەكتر سىمىنىڭ قىسقا تۇيىقتالۋى ٶرتكە الىپ كەلگەن.
ەلەۋمەتتٸك جەلٸدە قالا تۇرعىندارى جارىلىس كٷشٸنەن جاقىن ماڭداعى ٷيلەردٸڭ تەرەزەسٸنە سىزات تٷسكەنٸن جازدى.
تٶتەنشە جاعدايلار دەپارتامەنتٸ اۆتوكٶلٸكتٸڭ ەلەكتر جابدىعىنا ۋاقىتىلى دياگنوستيكا جٷرگٸزۋ قاجەتتٸلٸگٸ تۋرالى ەسكەرتتٸ. سەبەبٸ كٶپ جاعدايدا جانارماي جٷيەسٸندەگٸ اقاۋ مەن قىسقا تۇيىقتالۋ كٶلٸكتٸڭ ٶرتەنۋٸنە الىپ كەلەدٸ. اۆتوكٶلٸك 5-7 مينۋت ٸشٸندە تولىعىمەن جانىپ كەتەدٸ.
