Foto: Pixabay.com
Petropavlda arzan kartopty satýǵa shekteý qoiyldy. Endi bir adamǵa 3 keliden artyq kartop berilmeidi, dep habarlaidy Ult.kz KTK telearnasyna silteme jasap.
Petropavlda mundai shekteý deldardar alyp satpas úshin qabyldandy.
Turaqtandyrý qory pýnktterinde kartopty 97 teńgeden, sýpermarketten 110 teńgeden satyp alýǵa bolady. Bul bazardaǵydan úsh ese arzan.
Bilik satylymdaǵy shekteýlerdi tapshylyqpen bailanystyrmaidy. Turaqtandyrý qorynda 1200 tonna kartop bar. Biraq deldardar alyp-satyp qymbattatady dep alańdaidy.
Keshe Atyraýda da dál osyndai shekteý engizildi, bir adamǵa 3 kelige deiin ǵana satylady.
“Bir adamǵa 2-3 keliden kartop beriledi. Sebebi kartopqa suranys óte joǵary bolǵandyqtan, alypsatarlyqqa jol joq. Bul kartoptyń tapshylyǵyna bailanysty emes”, – dedi "Soltústik" SPK" AQ tóraǵasy Ǵamali Jumashov.
Eske salaiyq, buǵan deiin Qazaqstanda jarty jylǵa kartopty úshinshi elderge eksporttaýǵa tyiym salynǵanyn jazdyq. Aqparatqa sáikes, 2024 jyly qazaqstandyq kartop eksportynyń kólemi 605 myń tonna bolǵan. Bul 2023 jylmen salystyrǵanda 1,5 ese kóp. Qabyldanǵan sharalar kartop baǵasynyń alypsatarlyq jolmen ósýine jáne naryq qatysýshylarynyń múmkin spekýliativti áreketterge jol bermeýge múmkindik beredi.
