Petropavlda karantindik shekteýlerge qaramastan jasyryn túrde jumys istegen karaoke-bar anyqtaldy, dep habarlaidy "Ult aqparat".
Soltústik Qazaqstan oblysy Politsiia departamenti baspasóz qyzmetiniń málimetinshe, 3 tamyz kúni saǵat 3.22 kezinde kezekshi bólimge Petropavldaǵy «Royal Palace» meiramhanasynyń karaoke-barynda kelýshiler arasynda janjal týyndaǵany jaiynda habar túsedi. Oqiǵa ornyna jaqyn mańda júrgen avtopatrýlderdiń biri jiberilgen. Alaida tártip saqshylary esik ishten jabylǵandyqtan ishke kire almaǵan. Tek birazdan keiin ǵana meiramhana qyzmetkerleri esikti ashady. Barda bolǵandar politsiianyń birinshi bólimine jetkizildi.
Suraý barysynda «Royal Palas» meiramhanasynyń barynda 1989 jyly týǵan qala turǵynynyń týǵan kúni toilanǵandyǵy anyqtaldy. Karantin talaptaryn buzǵany úshin toiǵa kelgenniń árqaisysyna material jinalyp, Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi. Sondai-aq kóńil kóterý ornynyń iesi de jazasyz qalmaidy.
«SQO aýmaǵynda sanitarlyq-epidemiologiialyq talaptardyń oryndalýyn qadaǵalaý maqsatynda monitoringtik toptar jumys istep jatyr. Onyń quramyna politseiler, prokýrorlar, ákimdik ókilderi jáne sanitariialyq dárigerler kirgen. Sońǵy úsh aptanyń ishinde ǵana jumys toptary 642 zańbuzýshylyqty anyqtady. Onyń 253-i qalada, 389-y aýdandarda anyqtaldy», - deidi SQO PD bastyǵynyń birinshi orynbasary Qanat Aitbaev.
