Petropavlda dástúr boiynsha biyl da qalany jańajyldyq bezendirýge bir tiyn da jumsalmaidy, dep habarlaidy "Ult aqparat".
Petropavl qalasy turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi baspasóz qyzmetiniń málimetinshe, oblys ortalyǵynda jańajyldyq merekelik is-sharalardy ótkizýge úsh negizgi alań bezendiriledi.
Olar: Tuńǵysh Prezident alańy, ortalyq jáne Bereke shaǵyn aýdanyndaǵy alańdar.
Halyq kóp júretin kósheler de nazardan tys qalmaidy. Jospar boiynsha 22 kóshe qiylysy turǵyndarǵa merekelik kóńil kúi syilamaq.
Bul jerlerge jaryqdiodty arkalar, taqyryptyq shaǵyn sáýlet nysandary jáne muzdan jasalǵan músinder ornatylady.
Al Qazaqstan Konstitýtsiiasy boiyndaǵy aǵashtar girlianda – jaltyraýyq shamdarmen bezendiriledi.
«Jańa jyldyń basty nyshany – shyrshalar Petropavlda 17 jeltoqsannan bastap ornatyla bastaidy. Byltyrǵy shyrshalardy qoldanamyz. Jalpy oblys ortalyǵyn merekelik bezendirýge biýdjetten bir tiyn da jumsalǵan joq. Muz músinder demeýshilerdiń qarajatyna jasalmaqshy», - deidi Petropavl qalasy turǵyn úi-kommýnaldyq sharýashylyǵy, jolaýshylar kóligi jáne avtomobil joldary bóliminiń baspasóz hatshysy Ásem Aitýlova.
