پەتروپاۆلدا دەستٷر بويىنشا بيىل دا قالانى جاڭاجىلدىق بەزەندٸرۋگە بٸر تيىن دا جۇمسالمايدى, دەپ حابارلايدى "ۇلت اقپارات".
پەتروپاۆل قالاسى تۇرعىن ٷي-كوممۋنالدىق شارۋاشىلىعى, جولاۋشىلار كٶلٸگٸ جەنە اۆتوموبيل جولدارى بٶلٸمٸ باسپاسٶز قىزمەتٸنٸڭ مەلٸمەتٸنشە, وبلىس ورتالىعىندا جاڭاجىلدىق مەرەكەلٸك ٸس-شارالاردى ٶتكٸزۋگە ٷش نەگٸزگٸ الاڭ بەزەندٸرٸلەدٸ.
ولار: تۇڭعىش پرەزيدەنت الاڭى, ورتالىق جەنە بەرەكە شاعىن اۋدانىنداعى الاڭدار.
حالىق كٶپ جٷرەتٸن كٶشەلەر دە نازاردان تىس قالمايدى. جوسپار بويىنشا 22 كٶشە قيىلىسى تۇرعىندارعا مەرەكەلٸك كٶڭٸل كٷي سىيلاماق.
بۇل جەرلەرگە جارىقديودتى اركالار, تاقىرىپتىق شاعىن سەۋلەت نىساندارى جەنە مۇزدان جاسالعان مٷسٸندەر ورناتىلادى.
ال قازاقستان كونستيتۋتسيياسى بويىنداعى اعاشتار گيرلياندا – جالتىراۋىق شامدارمەن بەزەندٸرٸلەدٸ.
«جاڭا جىلدىڭ باستى نىشانى – شىرشالار پەتروپاۆلدا 17 جەلتوقساننان باستاپ ورناتىلا باستايدى. بىلتىرعى شىرشالاردى قولدانامىز. جالپى وبلىس ورتالىعىن مەرەكەلٸك بەزەندٸرۋگە بيۋدجەتتەن بٸر تيىن دا جۇمسالعان جوق. مۇز مٷسٸندەر دەمەۋشٸلەردٸڭ قاراجاتىنا جاسالماقشى», - دەيدٸ پەتروپاۆل قالاسى تۇرعىن ٷي-كوممۋنالدىق شارۋاشىلىعى, جولاۋشىلار كٶلٸگٸ جەنە اۆتوموبيل جولدارى بٶلٸمٸنٸڭ باسپاسٶز حاتشىسى ەسەم ايتۋلوۆا.
