Foto: video skrinshot
Petropavlda er adam sý tasqynynan zardap shekkenderge gýmanitarlyq kómek taratyp jatqanyn telefon arqyly videoǵa túsirgen, dep habarlaidy «Ult aqparat» inbusiness.kz-ke siltemejasap.
Onyń bul áreketi jergilikti imamǵa unamai, oǵan eskertý jasaidy. Belsendi bul synǵa qatty jaýap berip, din qyzmetkerin soqqyǵa jyqqan.
"Petropavl qalasynyń ákimshilik quqyq buzýshylyq jónindegi mamandandyrylǵan sotynda ákimshilik quqyq buzýshylyq faktisi boiynsha qozǵalǵan is qaraldy. Cotta 2024 jyly 15 sáýirde saǵat 15:00 shamasynda Petropavl qalasyndaǵy oblystyq Qyzyljar meshitinde azamat R. kóp adamnyń kózinshe janjal shyǵaryp, azamattarǵa dórekilik tanytyp, aqyry imamdy betinen judyryqpen eki ret urǵany anyqtaldy.
Ol osy arqyly usaq buzaqylyq jasap, ózgelerge syilamaýshylyq tanytyp, qoǵamdyq tártipti jáne jeke adamdardyń tynyshtyǵyn buzatyn áreketter jasady dep tanyldy", - delingen sot habarlamasynda.
Sot sheshimimen sottalýshy QR ÁQBtK-niń 434-babynyń 1-bóligi boiynsha 15 táýlikke qamaqqa alý túrindegi ákimshilik jazaǵa tartyldy.
