Petropavlda internatsionalist-jaýyngerler eskertkishine qoiylǵan gúlderdi kún óter-ótpesten kommýnaldyq qyzmet jumysshylary jinap alyp, qoqysqa tastaǵan, dep habarlaidy "Ult aqparat".
Soltústik Qazaqstan oblysynda áleýmettik jelilerde keshe ǵana internatsionalist-jaýyngerler eskertkishine qoiylǵan gúlderdi bireýlerdiń jol boiyna shashyp tastaǵany týraly beinejazba jariialandy. Kópshilik muny buzaqy jastardyń áreketi dep topshylap, olardy jazalaýdy talap etti.
SQO Politsiia departamenti baspasóz qyzmetiniń málimetinshe, osyǵan bailanysty Petropavl politseileri tekserý júrgizdi. Nátijesinde jelden ushqan gúlder men gúldestelerdi kommýnaldyq qyzmet jumysshylarynyń jinap alyp, qoqys konteinerine aparyp tastaǵany belgili boldy.
«Beinekameradaǵy jazbadan jumysshynyń gúldestelerdi qoqysqa súirep bara jatqanyn kórýge bolady. «Kommýnhoz» JShS ókilderimen profilaktikalyq áńgime júrgizildi. Olarmen budan bylai eskertkishke qoiylǵan gúlder men gúldestelerdi kún óter-ótpesten jinap almaý jaiynda kelisim jasaldy», - deidi SQO PD Ishki jáne syrtqy kommýnikatsiialar bóliminiń bas mamany Sán Jumaǵazina.
