Petropavlda mas er adam qala kóshelerinde patrýlde júrgen áskeri jasaqqa shabýyl jasady, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, 18 sáýir saǵat 20.00 shamasynda patrýlderdiń biri Petropavldaǵy Ýlianov kóshesinde mas júrginshini baiqaǵan. Er adam áskeri jasaqtyń meditsinalyq kýálandyrýdan ótý usynysyna qarsylyq bildirip, ózin agressivti ustaǵan. Araqtyń synǵan bótelkesimen ózine jaraqat keltirip, áskeri qyzmetshige judyryq ala umtylǵan.
Shabýyl jasaǵan er adam ustalyp, avtopatrýlge tapsyryldy. Atalǵan fakti «Bilik ókiline qatysty kúsh qoldaný» baby boiynsha Sotqa deiingi tergep-tekserýlerdiń biryńǵai tizilimine engizildi. Kúdikti buryn adam ólimine ákep soqtyrǵan aýyr dene jaraqatyn keltirgeni jáne tonaǵany úshin buryn sottalǵan 29 jastaǵy Petropavl turǵyny bolyp shyqty. Meditsinalyq kýálandyrý onyń mastyǵyn rastady.
«Kúdiktige qamaqqa alý túrindegi bultartpaý sharasy qoldanyldy. Baptyń sanktsiiasy iri mólsherdegi aiyppuldan 3 jylǵa deiin bas bostandyǵynan aiyrý jazasyn kózdeidi. Biyl oblys ortalyǵynda bilik ókiline qatysty kúsh qoldanýdyń 2 deregi tirkeldi. Tájiribe kórsetkendei, mundai jaǵdai spirttik ishimdikti asyra paidalanýmen bailanysty bolady», - deidi Petropavl qalalyq politsiia basqarmasynyń bastyǵy Jandos Muqatov.
Petropavlda kún saiyn 151 áskeri qyzmetshi quqyqtyq tártipti saqtaýǵa kezekshilikke túsedi. Politsiianyń keshendi kúshteri quramynda olar qala kóshelerin patrýldeidi, shaqyrtýlarǵa barady, baǵdarlarmen jumys isteidi.
