Petropavlda baǵdarshamnyń jasyl túsiniń janýyn kútpei, joldy kesip ótpek bolǵan eki júrginshini qoǵamdyq kólik qaǵyp ketti, dep habarlaidy QazAqparat.
WhatsApp messendjerinde Petropavldaǵy Býketov-Pýshkin kósheleriniń qiylysynda bolǵan jol-kólik apatynyń beinejazbasy tarady. Eki júrginshi baǵdarshamnyń jasyl túsi janýyn kútpei joldy kesip ótpek bolǵan. Saldarynan olardy qatty jyldamdyqpen kelip qalǵan avtobýs soqty. Oqys oqiǵa kóshedegi beinekameraǵa túsip qalǵan. Jazbadan jol-kólik oqiǵasynyń 3 jeltoqsan kúni keshki saǵat 19.56-da bolǵanyn kórýge bolady.
SQO densaýlyq saqtaý basqarmasy baspasóz qyzmetiniń málimetinshe, jol-kólik oqiǵasynda eki adam zardap shekti.
«2007 jyly týǵan qyz bala oblystyq balalar aýrýhanasyna jetkizildi. Onyń jaraqaty jeńil boldy, sondyqtan tiisti meditsinalyq kómek kórsetilgennen keiin úiine jiberildi. Qyzdyń qasynda bolǵan 30-dar shamasyndaǵy jigit oblystyq kópbeiindi aýrýhananyń neirohirýrgiia bólimshesine jatqyzyldy. Er adamnyń úsh qabyrǵasy synǵan, jabyq bas súiek-miy zaqymdanǵan», - deidi oblystyq densaýlyq saqtaý basqarmasy baspasóz qyzmetiniń hatshysy Gúlnar Qalieva.
