Petropavlda 39 jastaǵy áiel basqa qalaǵa jumysqa ketken qyzynyń sábiinen bas tartyp, 3 ailyq balany politsiia inspektoryna ustatyp jibergen, - dep habarlaidy "Ult aqparat" Polisia.kz Telegram arnasyna silteme jasap.
"15 qarashada Petropavl qalasy Politsiia basqarmasynyń iývenaldyq politsiia bólimshesine qorǵanshylyq jáne qamqorshylyq bóliminen oblys ortalyǵynyń 39 jastaǵy turǵyny 3 ailyq nemeresiniń taǵdyryn sheshýde kómek surap júgingeni týraly habarlama kelip tústi. Onyń aitýynsha, balanyń 18 jastaǵy anasy qazan aiynyń sońynda basqa qalaǵa jumysqa ketken jáne osy ýaqytqa deiin oralmaǵan. Ájesi memlekettik organdardan ózinen balany alyp ketýdi suraǵan.
Iývenaldyq politsiia bólimshesiniń qyzmetkerleri mekenjaiǵa baryp qajetti aktini toltyrdy, keiin qyz bala kópbeiindi oblystyq balalar aýrýhanasyna ornalastyryldy" - delingen habarlamada.
Qazirgi ýaqytta politsiia qyzmetkerleri sábidiń anasynyń júrgen jerin anyqtap jatyr. Oǵan qatysty ata-ana mindetin tiisti oryndamaý týraly máseleni komissiialyq jolmen qaraý arqyly ákimshilik sipattaǵy sharalar qabyldanatyn bolady.
