Foto: Pexels.com
Petropavl qalasynda eki turǵyn asa iri kólemde alaiaqtyq jasaǵany úshin bas bostandyǵynan aiyryldy. Tergeý málimetinshe, olar aldyn ala sóz bailasyp, 37 azamatty aldaý jáne senimge kirý arqyly 100 million teńgeden astam qarjysynan aiyrǵan, dep habarlaidy Ult.kz.
Sot otyrysynda jábirlenýshiler sottalýshylardy adamdardy sendirýge qabiletti kásibi manipýliatorlar dep sipattap, qatań jaza qoldanýdy surady. Aiyptalýshylar óz kinásin moiyndamaǵanymen, prokýratýra olardyń áreketin dáleldedi.
Petropavl qalalyq soty «B» jáne «T» esimdi sottalýshylardy naqty merzimge bas bostandyǵynan aiyrý týraly úkim shyǵaryp, keltirilgen materialdyq shyǵyndy óteýdi mindettedi. 28 shildede Soltústik Qazaqstan oblystyq sotynyń apelliatsiialyq alqasy úkimdi ózgerissiz qaldyrdy.
Úkim zańdy kúshine endi.
