Foto: pkzsk.info
Petropavlda adam saýdasymen, bopsalaýmen ainalysqan Aqmola oblysynyń týmasy ustaldy, - dep habarlaidy Tengrinews.kz agenttigi.
QR Uiymdasqan qylmysqa qarsy kúres departamentiniń bastyǵy Qanat Nurmaǵambetov kúdikti áleýmettik jeli arqyly kámeletke tolmaǵan, turmysy nashar jáne tolyq emes otbasynan shyqqan, materialdyq jaǵdaiy qiyn qyzdardy izdegenin aitty.
"Petropavl qalasynda adam saýdasymen jáne olardy paidalanýmen ainalysqan Aqmola oblysynyń týmasy ustaldy.Máselen, jedel-izdestirý is-sharalaryn júrgizý barysynda kúdiktiniń internet jáne áleýmettik jeliler arqyly materialdyq jaǵdaiy aýyr qyzdardy, onyń ishinde qolaisyz jáne tolyq emes otbasylardan shyqqan kámeletke tolmaǵandardy izdeýmen ainalysqany anyqtaldy", - dedi ol.
Olar qylmystyq maqsattaryn júzege asyrý úshin qyzdarmen tanysyp, jumys izdeýge kómek kórsetý syltaýymen aldaý jáne senimin paidalaný arqyly Petropavl qalasyna shaqyrady.
"Qyzdar kelgennen keiin olarǵa psihologiialyq qysym jasap, qarsylyǵyn basyp, qorqytyp jáne fizikalyq zorlyq-zombylyq kórsetip, jynystyq qanaý men saýdaǵa paidalanǵan. Atalǵan shema boiynsha kúdikti Qostanai qalasynyń 19 jastaǵy turǵynyn jaldap, ony ári qaladaǵy saýnalar men qonaq úilerde jynystyq paidalaný úshin 250 myń teńgege satty. Bul fakt QK-niń 128-baby 1-bóligi-adam saýdasy boiynsha SDTBT-da tirkelgen. Qajetti kómek kórsetý úshin jábirlenýshi baspanaǵa ornalastyryldy", - dedi Nurmaǵambetov.
