Petropavlda Esil ózeniniń deńgeii 1042 santimetrge kóterilip, 2300 saiajai ýcheskesin sý aldy. Adam shyǵyny joq, saiajaidaǵy 260-tai turǵyn eskertýden keiin úilerine ketken. Bul týraly SQO Tótenshe jaǵdai departamenti habarlady.
Departament tasqyn saldarynan Soltústik Qazaqstan oblysyn basyp ótetin Cheliabinsk-Novosibir tas jolyndaǵy qozǵalysqa shekteý qoiylǵanyn, kólikter ainalma jolmen ótip jatqanyn málimdedi.
Tótenshe jaǵdai departamenti oblystaǵy Qyzyljar aýdany mańyndaǵy eldimekenderge qyzyl sý qaýpi tóngenin, Pribrejnoe, Teplichnoe, Zarechnyi jáne Sokolovka kentteri janynda tótenshe jaǵdai qyzmetkerleri táýlik boiy kezekshilikte turǵanyn habarlady.
"Óńirdegi shaǵyn kólder men ózenderge erigen qar sýynan tónetin qaýip deńgeii qalypty. Al Sergeev sý qoimasynan Túmen oblysynyń shekarasyna deiin jaqta, Esil ózeniniń boiynda, 18 eldimeken ornalasqan. Osy aýyldardy sý basý qaýpi bar" dedi oblystyq TJD basshysy Ramil Kamalov.
Departament dereginshe, qazir Sergevka sý qoimasyndaǵy sýdyń deńgeii 110 santimetrge kóterilgen. Al Petropavl sý qoimasy 114,8 paiyzǵa toldy.
Sáýir aiynyń basynda Sergevka sý qoimasyndaǵy sý deńgeiiniń kóterilýinen 10 oblystyq mańyzy bar joldy sý shaiǵan edi.
Ákimdiktiń habarlaýynsha, SQO-da sý tasqynyn aldyn-alý úshin biýdjetten 500 million teńge bólingen.
