پەتروپاۆلدا ەسٸل ٶزەنٸنٸڭ دەڭگەيٸ 1042 سانتيمەترگە كٶتەرٸلٸپ, 2300 ساياجاي ۋچەسكەسٸن سۋ الدى. ادام شىعىنى جوق, ساياجايداعى 260-تاي تۇرعىن ەسكەرتۋدەن كەيٸن ٷيلەرٸنە كەتكەن. بۇل تۋرالى سقو تٶتەنشە جاعداي دەپارتامەنتٸ حابارلادى.
دەپارتامەنت تاسقىن سالدارىنان سولتٷستٸك قازاقستان وبلىسىن باسىپ ٶتەتٸن چەليابينسك-نوۆوسيبير تاس جولىنداعى قوزعالىسقا شەكتەۋ قويىلعانىن, كٶلٸكتەر اينالما جولمەن ٶتٸپ جاتقانىن مەلٸمدەدٸ.
تٶتەنشە جاعداي دەپارتامەنتٸ وبلىستاعى قىزىلجار اۋدانى ماڭىنداعى ەلدٸمەكەندەرگە قىزىل سۋ قاۋپٸ تٶنگەنٸن, پريبرەجنوە, تەپليچنوە, زارەچنىي جەنە سوكولوۆكا كەنتتەرٸ جانىندا تٶتەنشە جاعداي قىزمەتكەرلەرٸ تەۋلٸك بويى كەزەكشٸلٸكتە تۇرعانىن حابارلادى.
"ٶڭٸردەگٸ شاعىن كٶلدەر مەن ٶزەندەرگە ەرٸگەن قار سۋىنان تٶنەتٸن قاۋٸپ دەڭگەيٸ قالىپتى. ال سەرگەەۆ سۋ قويماسىنان تٷمەن وبلىسىنىڭ شەكاراسىنا دەيٸن جاقتا, ەسٸل ٶزەنٸنٸڭ بويىندا, 18 ەلدٸمەكەن ورنالاسقان. وسى اۋىلداردى سۋ باسۋ قاۋپٸ بار" دەدٸ وبلىستىق تجد باسشىسى راميل كامالوۆ.
دەپارتامەنت دەرەگٸنشە, قازٸر سەرگەۆكا سۋ قويماسىنداعى سۋدىڭ دەڭگەيٸ 110 سانتيمەترگە كٶتەرٸلگەن. ال پەتروپاۆل سۋ قويماسى 114,8 پايىزعا تولدى.
سەۋٸر ايىنىڭ باسىندا سەرگەۆكا سۋ قويماسىنداعى سۋ دەڭگەيٸنٸڭ كٶتەرٸلۋٸنەن 10 وبلىستىق ماڭىزى بار جولدى سۋ شايعان ەدٸ.
ەكٸمدٸكتٸڭ حابارلاۋىنشا, سقو-دا سۋ تاسقىنىن الدىن-الۋ ٷشٸن بيۋدجەتتەن 500 ميلليون تەڭگە بٶلٸنگەن.
