pkzsk.info
Petropavlda Jumysshylar kentindegi úilerdiń birinde 1 qańtarda órt shyqty. Oqiǵa ornyna birinshi bolyp 19 jastaǵy stýdent Mariia Simonova shyqty. Boijetken órtenip jatqan úige júgirip kirip, er adamdy qutqaryp qaldy, - dep habarlaidy Tengrinews.kz portaly "Petropavlovsk news" basylymyna silteme jasap.
Mariianyń aitýynsha, ol tútindi kórip, órt shyqqan jerge qarai júgirgen. Úidiń esigin ashqan boijetken tórt aiaǵymen shyǵyp bara jatqan er adamdy kórdi. Mariia ony tútinge toly bólmeden evakýatsiialaýǵa kómektesti, keiin ol órtsóndirýshilerdi shaqyrdy. 1990 jyly týǵan er adam qoly men basynan jeńil kúiik alǵan, ol aýrýhanaǵa jatqyzýdy qajet etpedi.
Oqiǵa ornyna dereý jetken órtsóndirýshiler úidegi órtti aýyzdyqtady. Órt bolǵan jerden úide turatyn 1989 jyly týǵan er adamnyń jansyz denesi tabyldy. Órt 48 sharshy metr aýmaqta jeke zattar men jihazdy sharpyǵan. Órttiń shyǵý sebebi anyqtalyp jatyr.
"Tótenshe jaǵdailar departamentiniń basshylyǵy bul jaǵdaida Mariianyń áreketin durys dep sanaidy jáne qyzǵa nemqurailyq tanytpaǵany, batyldyǵy úshin alǵysyn bildiredi. Kolledj basshylyǵy mindetti túrde habardar bolady, ony marapattaý máselesi de qaralady", - dedi Soltústik Qazaqstan oblysynyń Tótenshe jaǵdailar departamenti ókilderi.
Mariia ózin batyrlyq tanytty dep sanamaidy.
"Adamdar qiyndyq kórgende men shette qalmadym... Qiyn kezde ótpei, janashyrlyq tanytý kerek! Bul ómirde bárimizge kerek", - dep túsindirdi stýdent óz áreketin.
