Foto: SQO ákimdigi
Petropavlda Jeńis kúnine sanaýly kúnder qalǵanda Ekinshi Dúniejúzilik soǵys ardageri Valentina Volkodav ómirden ozdy, dep habarlaidy SQO ákimdiginiń baspasóz qyzmeti.
Valentina Volkodav 19 jasynda maidanǵa attanǵan. Ol Belarýs jáne Ýkraina maidandarynda kópir salý batalony quramynda jaýyngerlik mindet atqaryp, soǵys jyldarynda aldyńǵy shepke jol ashqan batyr qurylysshy retinde este qaldy.
Jaý oǵynyń astynda júrip, iskerdiń alǵa jyljýyna jol ashty. Onyń maidan joly Edil jaǵalaýynan bastalyp, Berlinge deiin jalǵasty.
Kórsetken erligi men qaisarlyǵy úshin Valentina Volkodav II dárejeli Otan soǵysy ordenimen jáne birqatar medalmen marapattaldy.
Soǵystan keiin beibit ómirge oralyp, el igiligi úshin eńbek etken Valentina Arhipovna qazirgi Astanada keramikalyq zaýytta býhgalter bolyp qyzmet atqardy. Keiingi otyz jyldan astam ýaqytyn Petropavlda ótkizip, ainalasyndaǵylarǵa ómirge degen qushtarlyǵymen úlgi bola bildi.
Soltústik Qazaqstan oblysynyń ákimi Ǵaýez Nurmuhambetov marqumnyń jaqyndary men týystaryna kóńil aityp, ardagerdiń jarqyn beinesi halyq jadynda máńgi saqtalatynyn jetkizdi.
"Soǵystyń aýyrtpalyǵyna qaramastan, Valentina Arhipovna árdaiym jarqyn júzdi, qairatty ári ómirge qushtar jan boldy. Biyl ol 103 jasqa tolyp, sergektigimen kópshilikti qýantty. Naǵyz batyrdyń jarqyn beinesi júregimizde máńgi saqtalady", - dedi aimaq basshysy.
