Foto: Tengrinews.kz
Petropavlda mektep oqýshysynyń shabýylynan zardap shekken jasóspirimderdiń jaǵdaiy belgili boldy, - dep habarlaidy "Ult aqparat".
Soltústik Qazaqstan oblysy Densaýlyq saqtaý basqarmasynyń málimetinshe, 13 aqpanda tańǵy saǵat 08:26-da "Kópsalaly oblystyq balalar aýrýhanasyna" úsh oqýshy jedel járdemmen jetkizilgen.
"Eki balany shuǵyl aýrýhanaǵa jatqyzdy. Olardy dereý ota jasaityn bólmege alyp ketti. Sol jerde hirýrgiialyq jolmen jaraqattaryn óńdedi. Birqatar diagnostikalyq shara atqaryldy, salalyq mamandarmen konsýltatsiialar uiymdastyryldy. Qazirgi kezde ekeýiniń jaǵdai turaqty, jansaqtaý bóliminde jatyr", - deidi dárigerler.
Al úshinshi oqýshy qatty jaraqat almaǵan. Oǵan qabyldaý bólmesinde kómek kórsetilgen. Keiin jasóspirim úiine jiberilgen.
Aita keteiik, búgin 9-synyp oqýshysy mektepke baltamen kelip, úsh balany jaraqattady. Jasóspirimder basynan jáne iyǵynan jaraqat alǵan.
Qazirgi kezde mektepte politsiianyń tergeý toby jumys istep jatyr. Aldyn ala aqparat boiynsha mektepke baltamen kelgen oqýshy psihiatriialyq esepte turǵan. Bilim berý mekemesinde mamandandyrylǵan kúzet qyzmeti bolmaǵan.
Jasóspirim ustaldy. Qylmystyq kodekstiń "Adam óltirýge oqtalý" baby boiynsha sotqa deiingi tergeý sharalary bastaldy.
Osy oqiǵadan keiin elimizdegi barlyq mektepte qaýipsizdikti tekserý jumysy júrgizilmek.
