© POOL
Ýkrainamen kelissózderdiń jańa raýndy talqylanady, biraq ázirge naqty málimet joq, dedi Resei prezidentiniń baspasóz hatshysy Dmitrii Peskov. Bul týraly RIA Novosti jazdy.
"Árine, qazir jaǵdaidyń qalai órbigenine bailanysty talqylaý jalǵasýy jáne kelissózderdiń kelesi raýndy ótýi kerek. Ázirge bul másele boiynsha naqty derek joq", - dedi Peskov jýrnalisterdiń Resei Ýkraina memorandýmyna jazbasha jaýap bere me degen saýalǵa jaýap berip.
Sonymen qatar ol Resei Ýkrainamen kelissózderdi jalǵastyratynyn málimdedi.
"Árine, Kiev rejiminiń áreketine qatysty kózqarasymyzda aitarlyqtai ózgeristerge qaramastan, biz bailanysty jalǵastyramyz. Qaishylyqtarǵa qaramastan bailanystar áli de jumys deńgeiinde jalǵasýy kerek", - dedi Peskov.
Eske salaiyq, 2 maýsymda Túrkiiada Resei men Ýkraina kelissózderiniń ekinshi raýndy ótti. Ystanbuldaǵy Chirigan saraiynda ótken kezdesý bir saǵattan astam ýaqytqa sozyldy. Onda taraptar qaqtyǵysty retteý týraly memorandýmdarmen almasty. Sondai-aq Máskeý men Kiev tutqyndardy aiyrbastaýǵa kelisti. Sonymen qatar máiitterdi jinaý úshin maidannyń belgili bir aýdandarynda eki-úsh kúnge atysty toqtatýǵa kelisti.
