«Aq jol» Demokratiialyq partiiasy atynan
Prezidenttikke úmitker Daniia Espaevanyń
sailaýaldy baǵdarlamasy
Qurmetti otandastar!
Qazaqstan jańa tarihi dáýirdiń bosaǵasyn attaǵaly tur!
Elimiz Táýelsizdik alǵanǵa deiin talai qiyn-qystaý kezeńdi basynan ótkizdi. Al búgingi kúni bizdi jańa dáýirdiń jańa belesteri men asýlary kútip tur. Osy baǵdarlamada Respýblikamyzdy odan ári kórkeitý maqsatynda memleket aldynda turǵan túrli synaqtardy anyqtap, olardan shyǵý joldaryn kórsetkim keledi.
Adal básekelestik bolmaǵan jerde jappai kásipkerlikke jol joq.
Sol úshin bizge árdaiym laiyqty ómir súrýge jańa múmkindikter ashyp, olardy keńeitý kerek.
Al laiyqty ómirdiń kepili – sheneýnikter emes, naryqtyq ekonomika, demokratiia jáne áleýmettik ádildik.
1. TURAQTY DAMÝDYŃ NEGIZI – BÁSEKELESTIK PEN JAPPAI KÁSIPKERLIK
Halyq ál-aýqatynyń negizi – turaqty qarqyndy damý, jekemenshik biznestiiý kúsheiýi, adal básekelestik.
Men árdaiym jeke kásipkerliktiń, ásirese shaǵyn jáne orta biznestiń turaqty qoldaýshysymyn. Búgingi kúni Otan aldynda jahandyq qaýipter tur, olardy eńsermei, budan ári damý múmkin emes.
Osy qaýipterdi jańa múmkindikterge ainaldyrý úshin kelesi is-sharalardy júzege asyrý qajet:
● Ulttyq bank jáne ekinshi dárejeli bankter nesieler boiynsha mólsherlemelerdi tómendetýi tiis.
● Shaǵyn jáne orta biznestiń quldyraýyna jáne halyqtyń kedeilenýine ákeletin turaqty devalvatsiia tájiribesin toqtatý.
Eger ministr nemese Ulttyq bank basshysy devalvatsiia bolmaidy dep málimdep, sosyn devalvatsiia bolsa – sheneýnik qyzmetten ketýi tiis.
● Qor quraldary arqyly balamaly, banktik emes qarjylandyrýdy damytý kerek. Memlekettik qoldaýdaǵy «Astana» halyqaralyq qarjy ortalyǵy syndy kásiporyndar atalmysh ádister arqyly qamtamasyz etilýi kerek.
● Salyqty ákimshilendirý men eseptilikti yqshamdatý, biznestiń shyǵys operatsiialaryn toqtatý men shottarǵa tyiym salýdan bas tartý; eger kásipkerlerdiń memleketke nemese basqa tulǵalarǵa zalaly timegen bolsa, kásipkerler úshin aiyppuldardy joiý;
● kásipkerlik qyzmetke kedergi keltirgeni úshin sheneýnikterdiń jaýapkershiligin kúsheitý;
● basym salalar úshin (aýyl sharýashylyǵy men aýyl sharýashylyq ónimderi, jeńil ónerkásip, mashina jasaý salasy) tómendetilgen qosymsha qun salyǵynyń mólsherlemesin engizý; nemese qosymsha qun salyǵyn kaskadsyz ádispen alynatyn satý salyǵyna aýystyrý;
● memlekettik satyp alý júiesin jetildirý, olardyń ashyqtyǵyn qamtamasyz etý, para berý múmkindigin boldyrmaý;
● Otandyq kompaniialardyń ishki naryqtaǵy basymdyǵyn qamtamasyz etý;
● ulttyq kompaniialardyń jáne damý institýttarynyń qyzmetine parlamenttik monitoring engizý, olardyń memlekettik qarajattardy paidalaný tiimdiligin qamtamasyz etý.
- Shekaralyq jáne salyqtyq tártipti qosa alǵanda, memlekettik organdar men biznestiń ózara árekettestigin tsifrlandyrý júiesine kóshirý; aila-amal men bopsalaýshylyqty joiý.
Memleket ózdiginen tabys taýyp, biýdjetke salyq tólep, basqalarǵa jumys beretinderdi qoldaýǵa mindetti!
2. ULTTYQ TÁÝELSIZDIK
Árqaisysymyz úshin Qazaq Respýblikasynyń Táýelsizdigi men onyń ulttyq múddeleriniń saqtalýy – basty qundylyq.
Táýelsizdik jolynda qurban bolmaituǵyn esh nárse joq – bul zamanaýi Qazaqstannyń negizin qalaýshy Nursultan Nazarbaevtyń sózi. Óz kezeginde «Alash» kóshbasshysy Álihan Bókeihan «Memlekettiligi joq halyq – jetim halyq» dep atap ótken.
Sol sebepti Qazaq Respýblikasynyń Táýelsizdigin qamtamasyz etý jáne onyń ulttyq múddelerin qorǵaý mindetimiz. Táýelsizdik – qur bos sóz emes. Bul – bizdiń elimiz, jerimiz, babalarymyzdan qalǵan mura, bul – memlekettik til, bul – bizdiń kópultty halqymyzdyń birligi.
● Táýelsizdik, jer tutastyǵy men ulttyq biregeilik te - árbir adamnyń quqyqtary jáne bostandyqtarymen qatar turatyn Respýblikanyń basty qundylyqtary.
● Táýelsizdiktiń mańyzdy jetistigi – bizdiń elde ómir súretin barlyq etnostardyń tili men mádenietine degen ózara syilastyǵy; azamattardyń teń quqyqtary men ulttyq sezimderine qurmet.
● Men ultymyzdyń tarihy, memlekettik tili men ult mádenietine, sol siiaqty basqa etnostardyń mádenieti men tilderine degen syilastyqty qoldaimyn;
● «Aq jol» partiiasy Respýblikamyzdaǵy geografiialyq nysandardyń, kósheler men eldi mekenderdiń ataýlaryndaǵy tarihi ádildikti qalpyna keltirý, de-sovetizatsiia jáne de-kommýnizatsiia boiynsha jumysyn jalǵastyrady.
● Konstitýtsiianyń negizgi baptary, memlekettik til jáne Qazaqstan tarihy emtihanyn tapsyrǵan soń ǵana QR azamattyǵyn berýdi zańdy túrde bekitý.
● Qazaqstan halyqtarynyń dástúrli dinderin qoldaý jáne ony bóten sektalar men teris aǵymdardan qorǵaý.
3. JEMQORLYQQA QARSY KÚRES JÁNE DE- OFFShORIZATsIIa
Qoǵamdy alańdatyp, bilikke narazylyq týǵyzatyn negizgi problemalardyń biri – sybailas jemqorlyqqa qarsy kúrestiń tiimsizdigi, sot jáne quqyq qorǵaý organdaryna senimsizdik.
Bul problemany sheshý úshin «Aq jol» partiiasy:
● ár qazaqstandyqtyń menshigi men jeke biznesin jemqorlar jáne olardyń sybailastarynan qorǵaýdy;
● basshylardan olardyń qyzmetkerleriniń jemqorlyǵy úshin jaýapkershilik talap etýdi;
● azamattardyń bilik ókilderine qarsy shaǵymdarynyń ádil jáne jariia qarastyrylýyn;
● áshkere bolǵan jemqorlardyń júrip-turýyn, shetelge shyǵý jáne menshigin basqarý quqyǵynyń zańnamalyq shektelýin;
● sottyń shynaiy táýelsizdigin, olardyń jumystan tys ýaqyty men zeinetke shyǵýynan keiingi jeke qaýipsizdigi men joǵary áleýmettik qorǵalýyn;
● barlyq ashyq sot otyrystarynyń Internet boiynsha transliatsiialanýyn;
● sybailas jemqorlyq faktisi týraly málimdegen jaǵdaida, bopsalaýshylyq qurbanyn jaýapkershilikten bosatýyn talap etedi.
Sybailas jemqorlyqqa qarsy is-árekettiń mańyzdy quraly – bilik is-áreketiniń jariialylyǵy men onyń qoǵam aldyndaǵy esep berýge mindettiligi bolmaq. «Aq jol» partiiasy «Aq jol» partiiasy jýrnalisterdiń áshkere materialdary úshin qýdalanýdan qorǵalýyn qoldaidy. Baspasózdyń aýzyna qulyp salýǵa bolmaidy.
Sybailas jemqorlyqpen kúresýdiń basty baǵyty, sondai-aq, offshorlyq aimaqtar men sheteldik bankterden milliardtaǵan qarajatty Qazaqstanǵa qaitarý bolmaq. Bul qarajat qara nietti jemqorlar men alaiaqtardyn halyqtan urlaǵan aqshasy.
Halyqaralyq sarapshylardyń esebinshe, jemqorlar memleketimizden zańsyz túrde 160 mlrd-tan astam aqsha shyǵarǵan. Bul aqshalardyń urlanyp, Qazaqstannan ketýi sebepti eldegi keibir azamattar jumys taba almai júr.
«Aq jol» partiiasy sheneýnikterdiń offshorlyq shoty týraly banktik qupiianyń alynyp tastalyp, ózderi qaidan alǵanyn túsindire almaityn aqshanyń anyqtalýyn jáne qaitarylýyn talap etedi.
Bul talaptyń zań aiasynda jumys isteitin adal kásipkerler men kásiporyndarǵa qatysy joq.
***
Qurmetti otandastar!
Men bul sailaýǵa halqyma jáne Otanyma adal qyzmet etý úshin qatysyp jatyrmyn.
Ómirdi dál osynda, dál qazir ózgertpei, jaqsarta almaimyz.
Men osyndai ózgeristerdiń ýaqyty keldi dep esepteimin.
Aq jol, Qazaqstan!
QR Prezidenttigine úmitker D.M.Espaevanyń sailaý qorynyń qarajatynan tólendi
