Májilis depýtaty Azat Perýashev tómengi palatada ótken Úkimet saǵatynda birin-biri Komsomol kúnimen quttyqtaǵan halyq qalaýlylaryna narazylyǵyn bildirdi, dep habarlaidy "Ult aqparat" Arman Sqabylulynyń jelidegi jazbasyna silteme jasap.
«Vladimir Karpovich (Májilis tóraǵasynyń orynbasary Bojko – avt.), bizde Májilistiń resmi otyrysy ótip jatyr. Siz óz sózińizde jáne basqa áriptesterimiz birin-biri Komsomol kúnimen quttyqtai bastady. Bundai mereke joq. Áriptester, biz qandai memlekette turatynymyzdy eske salǵym keledi. Biz táýelsiz Qazaqstanda ómir súrip jatyrmyz. Eger bireýler úshin bul jeke mereke bolsa, bir-birlerińizdi Májilis otyrysynda emes, jeke quttyqtańyzdar!», - dedi Azat Perýashev Úkimet saǵatynda.
Eske sala keteiik, Keńes úkimeti kezinde Komsomoldyń qurylǵan kúni 29 qazanda atalyp ótetin. Biyl Jalpyodaqtyq Lenin jastar kommýnistik odaǵy – Komsomoldyń qurylǵanyna 100 jyl bolǵan eken.
