Koronavirýs indeti kezinde halyqqa qoldaý kórsetý - búginde el aimaqtaryn aralap júrgen Májilis depýtattarynyń negizgi jumys baǵytyna ainaldy. Májilis depýtaty Azat Perýashev Qostanai oblysynyń Arqalyq qalasynda birqatar kezdesýler ótkizdi, dep habarlaidy "Ult aqparat".
Májilis depýtattary qoǵamdyq baqylaý aiasynda búginde tek oblys ortalyqtarynda ǵana emes, sonymen qatar shalǵai aýdandarda da indetpen kúresý úshin qajetti máselelerdi baqylaýǵa alýda.
Qostanai oblysynyń Arqalyq qalasynda Májilis depýtaty, «Aq jol» partiiasy parlamenttik fraktsiiasynyń jetekshisi Azat Perýashev jergilikti aýrýhananyń dárigerlerimen jáne meditsina qyzmetkerlerimen kezdesip, birqatar ózekti problemalardy talqylady.
Dárigerlerdiń aitýynsha, qazirgi ýaqytta dári-dármekter máselesi jaqsaryp, COVID-pen aýyratyn naýqastardyń sany edáýir azaiǵan. Sonymen birge, meditsina qyzmetkerleri bir rettik jeke qorǵanys quraldarynyń kóp tutynylatyndyǵyn jáne joǵary qýatty tynys alý apparattarynyń qajettiligin atap ótti.
Azat Perýashev Arqalyq aýrýhanasyna qorǵanys kostiýmderin, betperdeler men qolǵaptardy, sondai-aq jaqyn arada jetkiziletin úsh tynys alý apparatynyń qujattaryn syiǵa tartty.
Aýrýhana kelýshiler depýtatpen áńgimelesý barysynda meditsinalyq mekemede rentgen apparattarynyń jetispeýshiligi siiaqty problemalyq máselelerdi kóterdi. Bul naýqastardy, ásirese aýyldan kelgen eresek adamdardy aýrýhanaǵa jatqyzýdy qiyndatady.
Arqalyq halqy keibir jaǵdailarda meditsinalyq kómek tolyq kólemde memleket esebinen alynbaitynyna alańdaýshylyq bildirip, dári-dármekterdiń bir bóligin óz qarajattaryna satyp alýǵa týra keletinderine toqtaldy.
Sonymen qatar, taǵy bir problema - oblys ortalyqtarynan shalǵai ornalasqan mekemeler úshin memlekettik satyp alý máselesi.
Aýrýhananyń bas dárigeri Nurlan Erjanovtyń aitýynsha, jabdyqtyń kishkene bóligin shuǵyl aýystyrý qajet bolǵan jaǵdaida, kóptegen qujattardy toltyryp, kelisý úshin oblysqa aparý kerek.
- Jolǵa baryp-kelem degenshe 15-16 saǵat ketedi. Kelisý nemese túzetý úshin kem degende bir apta qajet. Bul kezde jabdyq toqtap turady, taldaýlar keshiktiriledi, operatsiialar keiinge qaldyrylyp, jumys kestesine ózgerister engiziledi. Mysaly, aýrýhana ózi sheshe alatyn mólsher týraly naqty kriteriiler qajet, - dedi aýrýhana basshysy.
Azat Perýashev bul máselelerdi Úkimet pen Densaýlyq saqtaý ministrliginiń basshylyǵynyń aldyna qoiatynyn jáne eń aldymen memleket jáne Áleýmettik meditsinalyq saqtandyrý qory esebinen beriletin dári-dármekterdiń tizbesin keńeitýdi kóterýge ýáde berdi.
Sonymen qatar, Májilis depýtaty koronavirýstan qaitys bolǵandardyń týystaryna kóńil aityp, bul búkil el úshin qaiǵy-qasiret pen aýyrtpalyq ekenin atap ótti.
Osy rette Azat Perýashev qazirgi ýaqytta naýqastardy aýrýhanalardaǵy oryndarmen, dári-dármektermen, apparattarmen qamtamasyz etý qajettiligine toqtaldy. Olardy biýrokratiiadan bosatyp, kabinet jaǵalatpai, jai ǵana jaǵdaidy túsiný aiasynda kómektesý kerektigine nazar aýdardy.
Májilismen dárigerler men medbikelerge alǵs bildirip, olardyń jumysy naǵyz azamattyq erlik ekenin atap ótti.
Azat Perýashev Arqalyq qalasyndaǵy dárihanalarda qajetti dári-dármektiń bar-joǵyn tekserip, koronavirýsty emdeýge eń kóp qajet dári-dármek tapshylyǵy bar ekenin atap ótti.
Kezdeý barysynda farmatsevter «SK-Farmatsiia» dári-dármegin jeke dárihanalarǵa jetkizý qajettiligi týraly máseleni kóterdi.
Sapar barysynda halyqty áleýmettik qoldaý máseleleri basty nazarda boldy.
Májilismen kópbalaly otbasylarǵa azyq-túlik pen qajetti zattar berdi, sonymen qatar jergilikti turǵyndardy tolǵandyratyn birqatar máselelerdi talqylady.
Birinshi kezekte 42 500 teńge járdemaqy alý múmkindigi týraly jáne jergilikti atqarýshy organdar tarapynan halyqtyń az qamtamasyz etilgen toptaryn memlekettik qoldaý týraly keńinen túsindirý jumystaryn júrgizý kerektigi, halyqtyń máselelerin sheshýge biliktiń belsendi qatysýynyń mańyzy týraly aityldy.
Sondai-aq, karantin kezinde oqýshylardy qashyqtan oqytýǵa erekshe nazar aýdaryldy.
