Perizat Qairat sotta Baýyrjan Baibektiń atyn atady

Kollaj: Ult.kz

Sottalýshy Perizat Qairat sotta Almatynyń burynǵy ákimi men burynǵy "Nur Otan" (qazirgi Amanat) partiiasy tóraǵasynyń burynǵy orynbasary Baýyrjan Baibektiń atyn atady, dep habarlaidy Ult.kz.

«Qor quryltaishylarynan jaýap alýdan bastaýdy suraimyn. Sebebi aiyptaý aktisi meni qordy anammen birge quryp, olardyń qolyn qoiǵan degen aiyptaýdan bastalady. Qor partiia quramynda Baýyrjan Qydyrǵaliuly Baibektiń basshylyǵymen qurylǵan. Quryltaishylardyń biri buryn, endi biri partiiada qazirge deiin qyzmet etedi», – dedi ol sot otyrysynda.

Eske salaiyq, Baýyrjan Baibek partiiany 2019 jyldyń 29 maýsymy men 2022 jyldyń 2 aqpany aralyǵynda basqardy.

Aita keteiik, tergeý málimetteri boiynsha, Perizat Qairat "biz birgemiz" qoryn qurý kezinde quryltaishylardyń qoltańbalaryn qoldan jasaǵan.

Sýdia aiyptalýshylar men jábirlenýshilerdiń ókilderin tyńdady, nátijesinde protsesti dáleldemelerdi zertteýden bastaý týraly sheshim shyǵardy, sodan keiin aiyptaýdyń ár epizody boiynsha taldaý júrgizdi.

Sondai-aq, prokýrorlar Perizat Qairattyń joǵary bilimi joq ekendigi týraly da aqparat berdi. 

Esterińizge sala keteiik, Perizat Qairat pen onyń anasy  Ǵaini Alashbaeva 3,5 mlrd teńge jymqyrdy dep aiyptalýda.  

Sot otyrysy ishinara jabyq ótýde.