Aty shýly Perizat Qairat isi boiynsha sot úkimi shyqty. Sot sheshimi boiynsha P. Qairat 10 tjylǵa, al onyń anasy Ǵaini Alashbaeva 7 jylǵa bas bostandyǵynan aiyryldy, dep habarlaidy Ult.kz.
Sot úkimin Astananyń qylmystyq ister jónindegi aýdanaralyq sotynda sýdia Sabyrjan Kárimov jariialady.
Prokýror Arman Kezeken Perizat Qairatty 10 jylǵa, anasy Ǵaini Alashbaevany 8 jylǵa bas bostandyǵynan aiyrýdy suraǵan bolatyn.
Jaryssózde 12 jábirlenýshi túsinikteme bergen bolatyn.
Al Perizat Qairat pen onyń anasy men qorǵaýshysyna jabyq rejimde sóz berilgen. Sot otyrysynyń negizgi bóligi jabyq rejimde ótkeni narazylyq týdyrǵan jaǵdaidar da boldy.
Sonymen qatar, sot Perizat Qairatty memlekettik marapat – «Shapaǵat» medalinen de aiyrdy.
Málimetterge súiensek, Perizat Qairat pen onyń anasy Ǵaini Alashbaeva azamattardyń senimin teris paidalanyp, 3 mlrd 545 mln 897 507 teńgeni iemdengen. Sot sheshimi boiynsha tárkilengen múlik jábirlenýshilerge keltirilgen zalaldy óteýge baǵyttalady. Olardyń qatarynda Qazaqstannyń iri bankteri – «Forte», Alatau City Bank (burynǵy Jusan) jáne finteh-kompaniia Kaspi bar.
Perizat Qairatqa tiesili «Vela Village» kottedj qalashyǵyndaǵy úi; «Akbulak Riviera», «Sensata Plaza», «Highvill Ishim Gold», «Kók Jailaý» TK páterleri men avtoturaqtary; «Mercedes-Benz S450» (2024 j.), «Lexus LX 600» (2024 j.), «Mercedes-Benz EQE 500 4 matic» (2023 j.), «Haval H6 GT» (2024 j.) kólikteri; «Rebel Flowers» JShS jarǵylyq kapitalynyń 100% úlesi; 97 mln teńge jáne 22 myń AQSh dollary tárkilendi.
Sot protsessi bar joǵy eki aptadan astam ýaqytqa sozyldy.
