Aqtóbe oblysynyń ákimi Ońdasyn Orazalin ózine aitylatyn synǵa qalai qaraitynyn aityp berdi, - dep habarlaidy Tengrinews.kz tilshisi "Diapazon" basylymyna silteme jasap.
"Árine, men - buqara aldyna jii shyǵatyn adammyn. Barlyq jaman nárse, árine, birinshi basshymen bailanysty bolady. Senseńiz, perǵaýyn zamanynan beri eshkim bilikti unatpaidy. Buryn Brejnev zamanynda da as úide otyryp synaý bolǵan. Ras, qazir synǵa ushyraǵandar Brejnev kezeńderin nostalgiiamen eske alady", - dedi Aqtóbe oblysynyń ákimi.
Ol kez kelgen ýaqytta jáne qoǵamda árqashan bilikti jamandaityn adamdar bolatynyn aitty.
Ońdasyn Orazalinniń aitýynsha, oqyrman tartý jáne erlik úshin oblys ákimin synǵa alý eń yńǵaily tásil ekenin aitty. Sonymen qatar, ol synǵa sabyrly qaraitynyn moiyndady.
"Bul - qalypty qubylys. Bilik jiti baqylaýda bolýy kerek. Batysta úkimetti synamaidy dep oilaisyz ba? Synǵa alady! Kez kelgen qoǵam qairatkeri baqylaýda. Buǵan ne túrtki boldy: áshkereleýge degen shynaiy niet. Bireý óz múddesin qorǵaǵysy keledi, al bireý ózgelerdi synap-minep, oǵan jaman bolǵanynan lázzat alady. Syn syndarly bolsa, onda ony qabyldap, sharalar qoldanyp, máseleni joiý kerek", - dedi ákim.
