Foto: Aqorda
Prezident Qasym-Jomart Toqaev PepsiCo qory direktorlar keńesiniń tóraǵasy Stiven Kihony qabyldady. Kezdesýde kompaniianyń elimizdegi investitsiialyq jobasy talqylandy, dep habarlaidy Ult.kz.
Álemge áigili brend Almaty oblysynda snekter shyǵaratyn zaýyt qurylysyna kiristi. Investitsiia kólemi – 368 million dollar. Joba aiasynda 900-ge jýyq turaqty jumys orny ashylady, sonymen qatar qytyrlaqqa qajetti kartopty Qazaqstanda ósirý kózdelip otyr.
PepsiCo ókilderiniń aitýynsha, baǵdarlamaǵa Pavlodar, Aqmola, Qaraǵandy, Almaty jáne Jetisý oblystarynan 15-ke jýyq sharýashylyq qosylǵan. Aldaǵy ýaqytta kartop ónimdiligin arttyrý úshin ǵylymi ádister engizilip, shikizatty saqtaý bazasy keńeitiledi.
Memleket basshysy kompaniianyń ornyqty agrosharýashylyqty damytý bastamasyn qoldaitynyn aityp, Úkimet pen jergilikti ákimdikter óndiristiń ýaqtyly iske qosylýyna barlyq jaǵdai jasaitynyn jetkizdi.
PepsiCo – álemniń 200-den astam elinde jumys isteitin iri azyq-túlik jáne sýsyn óndirýshi kompaniialardyń biri.
