Fýtboldan álemniń úsh dúrkin chempiony, braziliialyq Pele toqishektegi isikti aldyrtý otasynan keiin em qabyldaǵan aýrýhanadan shyqty. Bul týraly QazAqparat Reuters agenttigine silteme jasap habarlaidy.
Qyrkúiekte Pelege toqisheginen isikti aldyrtý otasy jasaldy. 8 jeltoqsanda ol em qabyldaý úshin josparly túrde aýrýhanaǵa jatqyzylǵan.
«Patsienttiń jaǵdaiy turaqty. Ol qyrkúiekte anyqtalǵan toqishek isigin emdeýin jalǵastyrady», - delingen aýrýhana málimdemesinde.
Pele – fýtboldan álemniń jalǵyz úsh dúrkin chempiony (1958, 1962, 1970). Ol Braziliia quramasynyń quramynda 92 match ótkizip, 77 ret gol soqqan. Pele Halyqaralyq fýtbol federatsiiasynyń nusqasy boiynsha HH ǵasyrdyń úzdik fýtbolshysy tanyldy. Forvard braziliialyq «Santos» (1956-1974) jáne amerikandyq «Niý-Iork Kosmos» (1975-1977) úshin oinaǵan. Sporttyq jolynda qaqpaǵa 1279 ret dop salǵan Peleniń esimi Ginnestiń rekordtar kitabyna engizilgen.
