Qazaqstan Respýblikasy Prezidenti Qasym-Jomart Toqaevtyń Jarlyǵymen Almatyda pedofildi ustaǵan politsiia maiory Baqytjan Bákirov II dárejeli «Aibyn» ordenimen marapattaldy. Bul týraly "Ult aqparat" IIM baspasóz qyzmetine silteme jasap habarlaidy.
«Qyzmettik mindetin atqarý kezinde batyldyq pen qaisarlyq kórsetkeni úshin Ishki ister ministrligi Almaty qalalyq politsiia departamentiniń Túrksib aýdandyq politsiia basqarmasynyń jedel ýákili– Baqytjan Ánýarbekuly Bákirov II dárejeli «Aibyn» ordenimen marapattalsyn», - delingen Jarlyq mátininde.
Esterińizge sala keteiik, oqiǵa 11 shildede Túrksib aýdanynda jeke úiler alabynda bolǵan. Túste kúdikti Pokrovskaia kóshesinde ornalasqan úilerdiń birine kiltti tańdaý aqyly kirgen. Úide 2 bala - tórt jastaǵy ul bala men onyń 15 jastaǵy ápkesi bolǵan. Qaskói pyshaqpen qorqytyp, 17 myń dollardy iemdenip, sodan keiin qyzdy qorlaǵan. Keiin Ál-Farabi dańǵylyndaǵy úide jasyrynǵan kúdikti politsiiadan qashyp turǵyn úidiń joǵarǵy qabatynan sekirip ketken. Sol kezde maior Baqytjan Bákirov onyń artynan birge sekirip, qylmyskerdi qýyp jetken.
Osy batyldyǵy úshin Baqytjan Bákirovti Ishki ister ministri Erlan Turǵymbaev «Quqyq tártibin qamtamasyz etýde qosqan úlesi úshin» medalimen marapattaǵan edi.
