قازاقستان رەسپۋبليكاسى پرەزيدەنتٸ قاسىم-جومارت توقاەۆتىڭ جارلىعىمەن الماتىدا پەدوفيلدٸ ۇستاعان پوليتسييا مايورى باقىتجان بەكٸروۆ ٸٸ دەرەجەلٸ «ايبىن» وردەنٸمەن ماراپاتتالدى. بۇل تۋرالى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ حابارلايدى.
«قىزمەتتٸك مٸندەتٸن اتقارۋ كەزٸندە باتىلدىق پەن قايسارلىق كٶرسەتكەنٸ ٷشٸن ٸشكٸ ٸستەر مينيسترلٸگٸ الماتى قالالىق پوليتسييا دەپارتامەنتٸنٸڭ تٷركسٸب اۋداندىق پوليتسييا باسقارماسىنىڭ جەدەل ۋەكٸلٸ– باقىتجان ەنۋاربەكۇلى بەكٸروۆ ٸٸ دەرەجەلٸ «ايبىن» وردەنٸمەن ماراپاتتالسىن», - دەلٸنگەن جارلىق مەتٸنٸندە.
ەستەرٸڭٸزگە سالا كەتەيٸك, وقيعا 11 شٸلدەدە تٷركسٸب اۋدانىندا جەكە ٷيلەر الابىندا بولعان. تٷستە كٷدٸكتٸ پوكروۆسكايا كٶشەسٸندە ورنالاسقان ٷيلەردٸڭ بٸرٸنە كٸلتتٸ تاڭداۋ اقىلى كٸرگەن. ٷيدە 2 بالا - تٶرت جاستاعى ۇل بالا مەن ونىڭ 15 جاستاعى ەپكەسٸ بولعان. قاسكٶي پىشاقپەن قورقىتىپ, 17 مىڭ دوللاردى يەمدەنٸپ, سودان كەيٸن قىزدى قورلاعان. كەيٸن ەل-فارابي داڭعىلىنداعى ٷيدە جاسىرىنعان كٷدٸكتٸ پوليتسييادان قاشىپ تۇرعىن ٷيدٸڭ جوعارعى قاباتىنان سەكٸرٸپ كەتكەن. سول كەزدە مايور باقىتجان بەكٸروۆ ونىڭ ارتىنان بٸرگە سەكٸرٸپ, قىلمىسكەردٸ قۋىپ جەتكەن.
وسى باتىلدىعى ٷشٸن باقىتجان بەكٸروۆتٸ ٸشكٸ ٸستەر مينيسترٸ ەرلان تۇرعىمباەۆ «قۇقىق تەرتٸبٸن قامتاماسىز ەتۋدە قوسقان ٷلەسٸ ٷشٸن» مەدالٸمەن ماراپاتتاعان ەدٸ.
