Biýdjet qarajatyn sapasyz josparlaǵany úshin jergilikti atqarýshy organdardyń 16 qyzmetkeri tártiptik jaýapkershilikke tartyldy, dep habarlaidy QR Bilim jáne ǵylym ministrliginiń baspasóz qyzmeti.
Túrkistan oblysynda 6 laýazymdy tulǵaǵa qatysty shara qoldanyldy, olar: bilim bólimderiniń basshylary, bas býhgalterler jáne ekonomister.
Jambyl oblysynda 5 laýazymdy tulǵa jazalandy.
Qaraǵandy oblysynda bilim bóliminiń bas býhgalteri, Pavlodar jáne Aqmola oblystarynda bilim bólimderiniń bas ekonomisteri tártiptik jaýapkershilikke tartyldy.
Qostanai oblysynda inkliýzivti synyptarda ótkizgen sabaqtary úshin pedagogterdiń eńbekaqysyn tólemeý faktisi anyqtaldy. Bilim bóliminiń basshysyna qatysty ákimshilik hattama toltyryldy. Qazirgi ýaqytta óńirde muǵalimder aldyndaǵy qaryz tolyq óteldi.
Pedagogterdiń eńbekaqylaryn ýaqtyly tólemeý faktilerine jol bermeý maqsatynda BǴM oblys jáne aýdan ákimderine jáne óńirlik eńbek jónindegi inspektsiialaryna tiisti hattar joldady.
