QR Bilim jáne ǵylym ministri Ashat Aimaǵambetov búgin QR Parlamenti Senatynda bilim salasyna qatysty qabyldanǵan zańǵa pikir bildirdi, dep habarlaidy "Ult aqparat".
«Senat depýtattary birneshe mańyzdy jańa normalardy qamtityn zań jobasyn qarastyryp, maquldady.
Ol qujatta, meniń oiymsha, sala mamandary úshin asa mańyzdy bolyp tabylatyn eki erekshe norma bar.
Solarǵa toqtalyp óteiin:
Birinshisi pedagogtarǵa qatysty.
Endi memlekettik bilim berý uiymdaryna pedagogterdi konkýrs arqyly qabyldaý engiziledi. Iaǵni muǵalimdi jumysqa qabyldaýǵa qatysty sheshim tek direktorlarǵa táýeldi bolmaidy.
Qazirgi tańda pedagogterdi jumysqa qabyldaý boiynsha qoldanystaǵy júie ashyqtyq qaǵidattaryna tolyǵymen sai dep aitýǵa kelmeidi, sáikesinshe sybailas jemqorlyq kórinisterine jol berilýi múmkin.
Máselen, keibir óńirlerde bir pán boiynsha bir stavkany tórt muǵalimge bólip beredi. Bul óz kezeginde bilim berý sapasyna keri áser etedi.
Sondyqtan mundai faktilerdiń aldyn alý úshin pedagogterdi jumysqa konkýrs arqyly iriktep, barlyǵyna túsinikti ári ortaq ereje boiynsha qabyldaý kózdeldi.
Erejede konkýrstyq irikteýdiń naqty qaǵidalary bekitiledi. Bul jumys tsifrlyq tehnologiialardyń kómegimen avtomattandyrylady.
Sáikesinshe pedagogti jumysqa qabyldaý týraly sheshimdi bir ǵana adam emes, kópshilik qabyldaityn bolady. Pedagogterdiń kásibiligine jáne barlyq talapqa sai bolýyna den qoiylady», - dep jazdy ministr Facebook paraqshasynda.
Ekinshi norma basshylarǵa qatysty.
Endi memlekettik bilim berý uiymdarynyń basshylaryn rotatsiialaý engiziledi.
Rotatsiialaý institýty memlekettik qyzmette, biznes qurylymdarynda jáne basqa da baǵyttarda engizilgen. Alaida bilim berý salasynda rotatsiialaý tártibin qoldaný múmkin bolmady. Tipti memlekettik uiymdardaǵy basshylardyń basym denimen merzimsiz eńbek sharty jasalǵan, sáikesinshe kóbi laýazymdyq qyzmetti jyldar boiy atqarady.
Degenmen olardyń arasynda uimdaǵy jumysty jaqsartý úshin bar kúshin, ynta-jigerin salyp eńbek etip jatqan bilikti basshylardyń da bar ekeni jasyryn emes. Tek jyldar boiy bir orynda jumys istese de tiimdiligin joǵaltpaǵandar sanaýly.
Keibir jaǵdailarda jumysqa degen yntanyń tómendeýi, motivatsiianyń joǵalýy nemese sol uiymdaǵy basqa mamandardyń da qyzmettik ósýge degen nieti bolýy – zańdy uǵym.
Iaǵni basshylardyń jyldar boiy bir laýazymda otyrýynyń óz artyqshylyqtary da bar, kemshilikteri de kórinis taýyp jatady.
Jalpy basshylardy oryndarymen aýystyrý úzdik tájiribeni basqa da uiymdarǵa engizýge yqpal etedi.
Árine, bul turǵyda rotatsiialaýdyń naqty tártibi bekitiledi.
Rotatsiiany ministrlik ázirlegen qaǵidalar boiynsha bilim basqarmalary júrgizetin bolady.
