Bilim jáne ǵylym ministri Ashat Aimaǵambetov joǵary oqý oryndarynyń basshylaryna pedagogtardy daiyndaýda qosymsha usynystardy engizýdi usyndy, dep habarlaidy QazAqparat.
«Pedagogtardy daiyndaý problemasy ózekti ekenin ózderińiz jaqsy bilesizder. Shyny kerek, áli de kóńilimiz tolmaidy. «Mektepter ýniversitetterge qaraǵanda baǵdarlamalaryn ózgertip, ýniversitetter soǵan úlgermei jatyr» dep, bizdiń mektepterimiz, bilim basqarmalarynyń ózderi aityp otyr. Onymen kelisýge nemese kelispeýge bolady. Biraq problema bar ekeni anyq. Ony ministrlikke qarap otyrmai, ýniversitetterdiń ózderi retteýi tiis. Derbestik kerek dedi – berildi. Baǵdarlamalardy ózgertýge bolady. Biraq sol derbestikti qajetti deńgeide qoldanyp, baǵdarlamalardy ózgertip, mektepke kerekti jáne zamanǵa sai mamandardy shyǵarý máselesi óte ózekti», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministr áitse de keibir joǵary oqý oryndarynyń tájiribesine oń kózqarasyn bildirdi.
«Biraq negizinde oqý-ádistemelik birlestiktiń eń basty maqsaty – barlyq mamandyq boiynsha daiyndap jatqan JOO-lardyń jumysyn úilestirý. Kásiptik standartty daiyndaý kerek. Jalpy bilim baǵdarlamalaryn jańartyp, júieli túrde ózgeristerdi engizý kerek. Birinshiden osy jumysty jalǵastyrýdy tapsyramyn. Ekinshiden, kúni keshe ǵana men áriptesterimizben, dekandarmen, kafedra meńgerýshilerimen, qarapaiym oqytýshylarmen pedagogikalyq bilimdi damytý boiynsha kezdestim. Sonda biz emin-erkin eki saǵattai osy máselelerdi talqyladyq. Sonda da osy máseleler kóterildi. Qajet bolsa oqý ádistemelik birlestiktiń ártúrli baǵyttary boiynsha úilestirý quqyǵyn múmkin basqa ýniversitetterge de beretindei qarastyryp, tiisti usynystardy engizińizder», - dep túidi Ashat Aimaǵambetov.
