بٸلٸم جەنە عىلىم مينيسترٸ اسحات ايماعامبەتوۆ جوعارى وقۋ ورىندارىنىڭ باسشىلارىنا پەداگوگتاردى دايىنداۋدا قوسىمشا ۇسىنىستاردى ەنگٸزۋدٸ ۇسىندى, دەپ حابارلايدى قازاقپارات.
«پەداگوگتاردى دايىنداۋ پروبلەماسى ٶزەكتٸ ەكەنٸن ٶزدەرٸڭٸز جاقسى بٸلەسٸزدەر. شىنى كەرەك, ەلٸ دە كٶڭٸلٸمٸز تولمايدى. «مەكتەپتەر ۋنيۆەرسيتەتتەرگە قاراعاندا باعدارلامالارىن ٶزگەرتٸپ, ۋنيۆەرسيتەتتەر سوعان ٷلگەرمەي جاتىر» دەپ, بٸزدٸڭ مەكتەپتەرٸمٸز, بٸلٸم باسقارمالارىنىڭ ٶزدەرٸ ايتىپ وتىر. ونىمەن كەلٸسۋگە نەمەسە كەلٸسپەۋگە بولادى. بٸراق پروبلەما بار ەكەنٸ انىق. ونى مينيسترلٸككە قاراپ وتىرماي, ۋنيۆەرسيتەتتەردٸڭ ٶزدەرٸ رەتتەۋٸ تيٸس. دەربەستٸك كەرەك دەدٸ – بەرٸلدٸ. باعدارلامالاردى ٶزگەرتۋگە بولادى. بٸراق سول دەربەستٸكتٸ قاجەتتٸ دەڭگەيدە قولدانىپ, باعدارلامالاردى ٶزگەرتٸپ, مەكتەپكە كەرەكتٸ جەنە زامانعا ساي مامانداردى شىعارۋ مەسەلەسٸ ٶتە ٶزەكتٸ», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ اپپاراتتىق وتىرىسىندا.
مينيستر ەيتسە دە كەيبٸر جوعارى وقۋ ورىندارىنىڭ تەجٸريبەسٸنە وڭ كٶزقاراسىن بٸلدٸردٸ.
«بٸراق نەگٸزٸندە وقۋ-ەدٸستەمەلٸك بٸرلەستٸكتٸڭ ەڭ باستى ماقساتى – بارلىق ماماندىق بويىنشا دايىنداپ جاتقان جوو-لاردىڭ جۇمىسىن ٷيلەستٸرۋ. كەسٸپتٸك ستاندارتتى دايىنداۋ كەرەك. جالپى بٸلٸم باعدارلامالارىن جاڭارتىپ, جٷيەلٸ تٷردە ٶزگەرٸستەردٸ ەنگٸزۋ كەرەك. بٸرٸنشٸدەن وسى جۇمىستى جالعاستىرۋدى تاپسىرامىن. ەكٸنشٸدەن, كٷنٸ كەشە عانا مەن ەرٸپتەستەرٸمٸزبەن, دەكاندارمەن, كافەدرا مەڭگەرۋشٸلەرٸمەن, قاراپايىم وقىتۋشىلارمەن پەداگوگيكالىق بٸلٸمدٸ دامىتۋ بويىنشا كەزدەستٸم. سوندا بٸز ەمٸن-ەركٸن ەكٸ ساعاتتاي وسى مەسەلەلەردٸ تالقىلادىق. سوندا دا وسى مەسەلەلەر كٶتەرٸلدٸ. قاجەت بولسا وقۋ ەدٸستەمەلٸك بٸرلەستٸكتٸڭ ەرتٷرلٸ باعىتتارى بويىنشا ٷيلەستٸرۋ قۇقىعىن مٷمكٸن باسقا ۋنيۆەرسيتەتتەرگە دە بەرەتٸندەي قاراستىرىپ, تيٸستٸ ۇسىنىستاردى ەنگٸزٸڭٸزدەر», - دەپ تٷيدٸ اسحات ايماعامبەتوۆ.
