Búgin «Memlekettik tildi oqytý ádistemesi» onlain kýrsynda «Interaktivti sabaqta pedagogikalyq tehnologiialardy tiimdi qoldaný» taqyrybynda tyńdaýshylarǵa mańyzdy málimetter usynyldy.
Onlain dáris baiandamashysy Qazaq tehnologiia jáne biznes ýniversitetiniń qaýymdastyrylǵan professory Sábira Sapina jańa tehnologiialardy tanystyryp, tiimdi paidalaný tetikterin kórsetti.
Ol til úirenýshilerge aldymen til úirenýdegi negizgi problemany anyqtaýǵa múmkindik týǵyzý arqyly olardyń belsendi túrde óz betterimen máselelerdi sheshýge mán berý qajettigin kórsete otyryp, problemalyq oqytý tehnologiiasyna toqtaldy. Máselen, aldymen kezekti taqyrypty anyqtaýǵa múmkindik týdyrý úshin til úirenýshilerge 2 kúrdeli syn esim, 5 ústeý jáne 7 esimdik ataýlary usynyldy. Sodan keiin berilgen sózder arqyly top-top bolyp áńgime qurastyrýmen qatar oǵan taqyryp pen janr tańdaýǵa tapsyrma berildi. Osy kezeńnen bastap problemany sheshý kezeńi bastalyp, til úirenýshiler búgin qandai tildik elementti úirengeli turǵandaryn ózderi anyqtaidy.
Úshinshi kezeńde problemanyń sheshimin qoldaný kezeńinde praktikaǵa basymdyq berildi. Til úirenýshiler ózderi qol jetkizgen tildik elementti endi kúndelikti turmysta til qoldanýda iske asyryp úirenedi. Tásil jalpy til úirenýshige iskerlik baǵdar beredi.
Aýditoriiaǵa osy taqyrypqa arnalǵan túrli kórneki aqparattar men anyqtamalar, qajetti materialdar usynyldy. Til úirenýshiler qajetti materialdy óz betterinshe oqyp, úirenedi. Nátijesinde olardyń oilaý qabiletteri damyp, shyǵarmashylyq iskerlikteri men daǵdylary qalyptasady. Búgingi dáris til úiretýshiniń óz betinshe izdenýi arqyly bilimdi boiyna sińirip, ony ózgege bere alý joldaryn kórsetti.
Onlain dáris barysynda tyńdaýshylar professor S.Sapinaǵa suraqtaryn joldap, tushymdy jaýap aldy. Tyńdaýshylar onlain kýrs mazmuny men baiandamashynyń sheberligine rizashylyqtaryn bildirdi.
Ait keteiik, oqytýshylar men ádiskerlerdiń, til mamandarynyń biliktiligin arttyrý kýrsy QR Mádeniet ján sport ministrligi Til saiasaty komitetiniń tapsyrysymen «Til-Qazyna» ulttyq ǵylymi-praktikalyq ortalyǵynyń uiymdastyrýymen ótkizilýde. Aǵymdaǵy jyldyń 30 naýryzynda bastalǵan kýrs 10 sáýirge deiin jalǵasady.
Onlain kýrs facebook áleýmettik jelisinde #ONLAIN-da bol jobasy aiasynda tikelei efirde (ár kún saiyn saǵat 11:00-11:35 aralyǵy) kórsetiledi.
Ótken dáristerdi https://www.facebook.com/groups/884732365309226/ siltemege ótý arqyly kórýge bolady.
