Jazǵy demalys kezinde balalarǵa bilim berýge arnalǵan «Paidaly bos ýaqyt» atty jańa joba iske qosyldy. Bul týraly "Ult aqparat" QR Mádeniet jáne sport ministrliginiń baspasóz qyzmetine silteme jasap habarlaidy.
«Mádeniet jáne sport ministrliginiń jańa qaiyrymdylyq jobasy karantin demalysy kezinde balalardyń oi-órisin keńeitip, olardyń rýhani azyq alýyna jáne bos ýaqytyn paidaly ótkizýge zor úlesin qosady. Joba maqsaty – COVID-19 pandemiiasyna qarsy kúres júrgizip jatqan meditsinalyq qyzmetkerlerdiń otbasylaryna qoldaý kórsetý. Joba aiasynda balalarǵa óner jáne sport baǵyttary boiynsha onlain sabaq pen sheberlik saǵaty usynylady» delingen QR Mádeniet jáne sport ministrliginiń baspasóz habarlamasynda.
Onlain sabaqty belgili óner jáne sport qairatkerleri tegin ótkizedi.
«Jańa bastamanyń basty ereksheligi – balalar qyzyǵýshylyǵy boiynsha onlain sabaqty ózderi tańdai alady. Óner baǵyty boiynsha: dombyra, fortepiano, skripka, gitara, estradalyq án aitý, sýret salý, akterlik sheberlik, al sport baǵyty boiynsha: erkin kúres, klassikalyq kúres, dziýdo, gimnastika, boks, taekvondo sabaqtary ótedi» dep málim etti ministrlik.
Balalar men ata-analardyń yńǵailylyǵy úshin joba aiasynda jańa platforma quryldy. Balalar qysqa saýalnamany toltyryp, úilestirýshilerdiń kómegimen sabaq kestesin ala alady.
