جازعى دەمالىس كەزٸندە بالالارعا بٸلٸم بەرۋگە ارنالعان «پايدالى بوس ۋاقىت» اتتى جاڭا جوبا ٸسكە قوسىلدى. بۇل تۋرالى "ۇلت اقپارات" قر مەدەنيەت جەنە سپورت مينيسترلٸگٸنٸڭ باسپاسٶز قىزمەتٸنە سٸلتەمە جاساپ حابارلايدى.
«مەدەنيەت جەنە سپورت مينيسترلٸگٸنٸڭ جاڭا قايىرىمدىلىق جوباسى كارانتين دەمالىسى كەزٸندە بالالاردىڭ وي-ٶرٸسٸن كەڭەيتٸپ, ولاردىڭ رۋحاني ازىق الۋىنا جەنە بوس ۋاقىتىن پايدالى ٶتكٸزۋگە زور ٷلەسٸن قوسادى. جوبا ماقساتى – COVID-19 پاندەميياسىنا قارسى كٷرەس جٷرگٸزٸپ جاتقان مەديتسينالىق قىزمەتكەرلەردٸڭ وتباسىلارىنا قولداۋ كٶرسەتۋ. جوبا اياسىندا بالالارعا ٶنەر جەنە سپورت باعىتتارى بويىنشا ونلاين ساباق پەن شەبەرلٸك ساعاتى ۇسىنىلادى» دەلٸنگەن قر مەدەنيەت جەنە سپورت مينيسترلٸگٸنٸڭ باسپاسٶز حابارلاماسىندا.
ونلاين ساباقتى بەلگٸلٸ ٶنەر جەنە سپورت قايراتكەرلەرٸ تەگٸن ٶتكٸزەدٸ.
«جاڭا باستامانىڭ باستى ەرەكشەلٸگٸ – بالالار قىزىعۋشىلىعى بويىنشا ونلاين ساباقتى ٶزدەرٸ تاڭداي الادى. ٶنەر باعىتى بويىنشا: دومبىرا, فورتەپيانو, سكريپكا, گيتارا, ەسترادالىق ەن ايتۋ, سۋرەت سالۋ, اكتەرلٸك شەبەرلٸك, ال سپورت باعىتى بويىنشا: ەركٸن كٷرەس, كلاسسيكالىق كٷرەس, دزيۋدو, گيمناستيكا, بوكس, تاەكۆوندو ساباقتارى ٶتەدٸ» دەپ مەلٸم ەتتٸ مينيسترلٸك.
بالالار مەن اتا-انالاردىڭ ىڭعايلىلىعى ٷشٸن جوبا اياسىندا جاڭا پلاتفورما قۇرىلدى. بالالار قىسقا ساۋالنامانى تولتىرىپ, ٷيلەستٸرۋشٸلەردٸڭ كٶمەگٸمەن ساباق كەستەسٸن الا الادى.
