Foto: QR OAM
Pavlodar oblysyndaǵy «Ertis» Joǵary innovatsiialyq agrarlyq kolledjiniń stýdentteri «Brama», «Djersii giganty» jáne «Kýchinsk mereitoilyq» tuqymyndaǵy 30-dan astam úi qusyn ósirip shyǵardy, dep habarlaidy Ult.kz.
Jumyrtqany salý sátinen bastap embrionnyń qalyptasýyna deiingi inkýbatsiia úderisiniń barlyq kezeńderi stýdentterdiń tolyq baqylaýynda jáne ǵylymi baqylaýlarmen súiemeldenedi. Bul praktikalyq oqytý kásipkerlik kózqarasqa negizdelip, stýdentterge oqý barysynda óz ideialaryn iske asyrýǵa múmkindik beredi.
Agrarlyq tehnologiialardy igerý basqa baǵyttarda da jalǵasýda. Jýyrda bolashaq veterinarlar elimizdegi eń ónimdi etti iri qara tuqymdarynyń biri sanalatyn qazaqtyń aqbas siyryn qoldan uryqtandyrý jumysyn sátti júzege asyrdy.
— Mundai praktikaǵa negizdelgen sabaqtar stýdentterdiń kásibi quzyretterin arttyryp, óz betinshe sheshim qabyldaý daǵdylaryn qalyptastyrady, sondai-aq bilikti mamandardy daiyndaýǵa múmkindik beredi, — deidi kolledj direktory Aigúl Baijumanova.
Bul bastamalar 2025–2027 jyldarǵa arnalǵan tehnikalyq jáne kásiptik bilim berýdi transformatsiialaý jónindegi Jol kartasy aiasynda qoldaý tabýda. Kolledjder bazasynda stýdentterdiń kásipkerlik bastamalaryn qoldaýǵa arnalǵan «Business Startup» ortalyqtary qurylýda.
Aita keteiik, elimiz boiynsha kolledj stýdentteri 700-den astam startap-joba men biznes-idealardy júzege asyrýda. Bul jobalarǵa sýarý júieleri, ekologiialyq sheshimder, IT ónimderi jáne basqa da salalar kiredi.
