فوتو: قر وام
پاۆلودار وبلىسىنداعى «Ertis» جوعارى يننوۆاتسييالىق اگرارلىق كوللەدجٸنٸڭ ستۋدەنتتەرٸ «براما», «دجەرسيي گيگانتى» جەنە «كۋچينسك مەرەيتويلىق» تۇقىمىنداعى 30-دان استام ٷي قۇسىن ٶسٸرٸپ شىعاردى, دەپ حابارلايدى Ult.kz.
جۇمىرتقانى سالۋ سەتٸنەن باستاپ ەمبريوننىڭ قالىپتاسۋىنا دەيٸنگٸ ينكۋباتسييا ٷدەرٸسٸنٸڭ بارلىق كەزەڭدەرٸ ستۋدەنتتەردٸڭ تولىق باقىلاۋىندا جەنە عىلىمي باقىلاۋلارمەن سٷيەمەلدەنەدٸ. بۇل پراكتيكالىق وقىتۋ كەسٸپكەرلٸك كٶزقاراسقا نەگٸزدەلٸپ, ستۋدەنتتەرگە وقۋ بارىسىندا ٶز يدەيالارىن ٸسكە اسىرۋعا مٷمكٸندٸك بەرەدٸ.
اگرارلىق تەحنولوگييالاردى يگەرۋ باسقا باعىتتاردا دا جالعاسۋدا. جۋىردا بولاشاق ۆەتەرينارلار ەلٸمٸزدەگٸ ەڭ ٶنٸمدٸ ەتتٸ ٸرٸ قارا تۇقىمدارىنىڭ بٸرٸ سانالاتىن قازاقتىڭ اقباس سيىرىن قولدان ۇرىقتاندىرۋ جۇمىسىن سەتتٸ جٷزەگە اسىردى.
— مۇنداي پراكتيكاعا نەگٸزدەلگەن ساباقتار ستۋدەنتتەردٸڭ كەسٸبي قۇزىرەتتەرٸن ارتتىرىپ, ٶز بەتٸنشە شەشٸم قابىلداۋ داعدىلارىن قالىپتاستىرادى, سونداي-اق بٸلٸكتٸ مامانداردى دايىنداۋعا مٷمكٸندٸك بەرەدٸ, — دەيدٸ كوللەدج ديرەكتورى ايگٷل بايجۇمانوۆا.
بۇل باستامالار 2025–2027 جىلدارعا ارنالعان تەحنيكالىق جەنە كەسٸپتٸك بٸلٸم بەرۋدٸ ترانسفورماتسييالاۋ جٶنٸندەگٸ جول كارتاسى اياسىندا قولداۋ تابۋدا. كوللەدجدەر بازاسىندا ستۋدەنتتەردٸڭ كەسٸپكەرلٸك باستامالارىن قولداۋعا ارنالعان «Business Startup» ورتالىقتارى قۇرىلۋدا.
ايتا كەتەيٸك, ەلٸمٸز بويىنشا كوللەدج ستۋدەنتتەرٸ 700-دەن استام ستارتاپ-جوبا مەن بيزنەس-يدەالاردى جٷزەگە اسىرۋدا. بۇل جوبالارعا سۋارۋ جٷيەلەرٸ, ەكولوگييالىق شەشٸمدەر, IT ٶنٸمدەرٸ جەنە باسقا دا سالالار كٸرەدٸ.
