Epidemiologiialyq monitoring tobynyń jetekshisi Sáýle Ospanova KVI juqtyrǵan oshaq anyqtalǵan kezde bailanysta bolǵan adamdardy anyqtaýda kedergi keltirmeýdi suraidy, dep habarlaidy pavlodarnews.kz.
Epidemiiaǵa qarsy sharalardyń standarty bar, - dedi Sáýle Ospanova onlain baspasóz konferentsiiasy kezinde. - Jańa jaǵdai týraly habar alǵannan keiin aqparat jinaý bastalady. Birinshi kezeńde bailanysta bolǵan adamdar sheńberin anyqtaý úshin eki saǵat beriledi. Iaǵni, naýqas qai jerde ornalasqany, qalai ómir súredi, jaqyn jáne potentsialdy bailanysta bolǵandar týraly derekter jinaimyz. Barlyq 11 jaǵdaida ony eki saǵattyń ishinde jinap úlgerdik.
Degenmen ol turǵyndardyń áli kúnge deiin bul derttiń qanshalyqty qaýipti ekenin túsinbeitindigine jáne salǵyrttyq tanytyp otyrǵanyna alańdaýshylyq bildirdi.
- Turǵyndar karantindi saqtaǵysy kelmeitin siiaqty birden jaqyn aralasqan adamdar týraly aitpaidy, - deidi Sáýle Ospanova. - Mysaly, naýqastardyń biri bailanysta bolǵan adamdar týraly aqparatty bir apta boiy berdi. Bul jerde birinshi kezekte onyń otbasy zardap shegedi. Sebebi, sol adamdarmen aralasady. Keshe Mir kóshesindegi jataqhanada ishimdik tutynǵan adamdar boldy. Meditsinalyq qyzmetkerlerdiń jumysyna kedergi keltirdi. Dárigerlerge politsiia qyzmetkerleri kómekke keldi. Osydan keiin ǵana barlyǵy aýrýhanaǵa jatqyzylyp, virýsologiialyq zertteý júrgizildi. Nátijesi bir táýlikten keiin belgili bolady. Bailanysta bolǵandar anyqtaldy.
Eske sala keteiik, keshe Mir kóshesi, 54/1 mekenjaiyndaǵy jataqhana karantinge jabyldy. Bul úide turatyn 50 jastaǵy áielde 14 sáýirde COVID-19 rastalǵan.
