Pavlodar qalasyndaǵy úidiń biriniń kireberisinde anasy 10 ailyq sábiin aiaýsyz uryp-soqqany videoǵa túsip qalǵan, dep habarlaidy Polisia.kz.
Áleýmettik jelige monitoring júrgizý kezinde pavlodarlyq politseiler Instagram-nan anasynyń 10 ailyq balany aiaýsyz uryp-soqqan beinejazbany tapty.
«Bul fakti qalanyń Soltústik politsiia bóliminde tirkelgen. Balanyń anasy 32 jastaǵy áiel ekendigi anyqtaldy. Oǵan qatysty Qylmystyq kodekstiń 140-baby boiynsha sotqa deiingi tergeý bastaldy. Qajetti saraptama taǵaiyndaldy», – dedi Pavlodar oblystyq politsiia departamentiniń bastyǵy Nurlan Másimov.
Politsiia balany dárigerler teksergenin jáne onyń ómirine qaýip tónbeitinin aitty.
Qazirgi ýaqytta balany qorǵaý úshin aýrýhanaǵa jatqyzyldy, ol dárigerlerdiń baqylaýyna alynǵan.
«Áieldiń 14 jáne 12 jastaǵy, 10 ailyq kámeletke tolmaǵan úsh bala tárbielep otyrǵany anyqtaldy», - dedi Pavlodar oblystyq politsiia departamentiniń bastyǵy.
