Pavlodar oblysy ákimi Bolat Baqaýov Pavlodar qalasynyń jańa ákimi Qairat Núkenovti tanystyrdy.
"Qairat Temirshotuly eńbek jolyn tas qalaýshy bolyp bastaǵan, keiin jeke biznespen ainalysty, 2012 jyldan beri memlekettik qyzmette", - dedi Bolat Baqaýov, dep jazady pavlodarnews.kz.
Sonymen birge, óńir basshysy aitqandai, Núkenov Jelezin aýdanynyń ákimi, oblystyń kásipkerlik jáne saýda basqarmasynyń basshysy, Aqsý men Ekibastuz ákimi, Túrkistan oblysy ákiminiń birinshi orynbasary bolǵan.
Oblys ortalyǵynyń basshysy bolyp taǵaiyndalǵanǵa deiin Pavlodar oblysy ákiminiń orynbasary qyzmetin atqardy.
Jańa ákimge tapsyrma
Eń aldymen Bolat Baqaýov Qairat Núkenovke ekonomikaǵa úlesin tigizetin kásiporyndarǵa erekshe nazar aýdara otyryp, barlyq kásipkerlikterdiń skriningin ótkizýdi tapsyrdy.
"Ókinishke orai, jalpy damý bar bolǵanymen, jyl basynan beri birqatar salada tómendeý baiqalady. Ónerkásip - 98,8%, qurylys - 81,9%", - dep atap ótti oblys ákimi.
Baqaýov atap ótkendei, Pavlodar investorlardy tartý ortalyǵy bolýy kerek.
Burynǵy ákim nege qyzmetinen ketti?
Shildeniń basynda oblys ákimi Bolat Baqaýov Pavlodar basshysy Ánýar Kúmpekeev "saiasi memlekettik qyzmetker retinde senimnen aiyrylǵanyn" málimdedi.
Kúmpekeev qala ákimi qyzmetin 10 aidai ǵana atqardy. 2019 jyldyń 11 maýsymynda Bolat Baqaýov oǵan qatań sógis jariialaǵan bolatyn.
