Aqiyq aqyn, pýblitsist, ádebiettanýshy, qoǵam jáne saiasi qairatker, Qazaqstannyń eńbek eri Oljas Súleimenov Pavlodar memlekettik pedagogikalyq ýniversitetinde qonaqta boldy, dep habarlaidy "Ult aqparat".
«Ýniversitette aqyn jáne jazýshy Oljas Súleimenov atyndaǵy shyǵarmashyl jastar ortalyǵy ashyldy. Stýdentter men oqý ordasynyń qonaqtary jazýshynyń shyǵarmashylyǵymen tanysyp qana qoimai, kezdesýler ótkizip, jái ǵana demala alady. Aqyn ustazdarmen jáne bolashaq pedagogtarmen jyly júzben sálemdesip, muǵalim mamandyǵynyń óte mańyzdy ekenin atap ótti. Sebebi, pedagog adamdy bilim álemine engize alady. Ol ýniversitet ujymyna tabys tilep, stýdentterdi tereń bilim alýǵa shaqyrdy», - dep habarlady bilim oshǵanyń baspasóz qyzmetinen.
Atap ótilgendei, JOO-da sondai-aq shyǵarmashylyqpen ainalysatyn stýdentter úshin Oljas Súleimenov atyndaǵy stipendiia taǵaiyndalǵan. Bul stipendiiany alǵash bolyp «Mýzykalyq bilim berý» mamandyǵynyń 3-kýrs stýdenti Aidos Hamitov jeńip alǵan. Ol sertifikatty Súleimenovtiń óz qolynan qabyl alyp, aqynnyń bir óleńin jatqa oqyp berdi.
Stýdentter men ustazdar aty ańyzǵa ainalǵan tulǵamen estelik fotoǵa túsip, suraq-jaýap almasyp, avtograf aldy. Keiin aqyn «Rýhani jańǵyrý» baǵdarlamasy aiasynda júzege asyp jatqan «Ertis-Baian óńiriniń 100 tarihi tulǵalary» qysqametrajdy filmder seriiasynyń ekinshi kezeńiniń tusaýkeserine qatysty.
