Kúzet agenttigindegiler Pavlodardaǵy kafede uryp-soǵý oqiǵasyna qatysty túsinik berdi, - dep habarlaidy kaz.tengrinews.kz tilshisi.
"Agenttik pýltine "BOSSFOR" kafesinen habar kelip tústi, bul habar 6-7 adamnyń esep aiyryspai, mekeme jumysshylarymen qaqtyǵysqany týraly edi. Qazirgi ýaqytta kafe bizdiń agenttiktiń qaraýynda, sondyqtan kúzet toby oqiǵa ornyna shyqty. Kafege barǵan qyzmetkerlerimiz qonaqtardy sabyrǵa shaqyrmaq boldy. Biraq kafe qonaqtary bizdiń qyzmetkerdi urdy, avtomatyn tartyp almaq boldy. Osydan keiin qosymsha kúsh shaqyrtyldy. Oqiǵa ornyna kúzetshilerimizden turatyn eki top bardy", - dedi "Elekor Kýzet" kúzet agenttiginiń jetekshisi Edýard Bezo.
Onyń aitýynsha, kúzet firmasynyń qyzmetkerleriniń áreketiniń zańdylyǵy tekserilip jatyr. "Biz qazir osy derek boiynsha tekseris júrgizip jatyrmyz. Bizdiń qyzmetkerler oblystyq IID-ge bardy. Videomaterial tekserilip jatyr, oqiǵa ornyna barǵan qyzmetkerlerden túsinteme aldyq", - dedi Edýard Bezo.
Kúzet firmasyndaǵylar videony áleýmettik jelige taratýdy arandatý dep esepteidi eken. "Videonyń birinshi bóliginde kafe qonaqtarynyń kúzetshilerge qatysty kúsh qoldanǵanyn kórýge bolady. Biraq ekinshi bóligi ǵana taralyp jatyr. Bul arandatý maqsatynda jasaldy dep esepteimiz", - dedi Edýard Bezo.
Eske salaiyq, Pavlodarda avtomat asynǵandardyń er adamdardy aiaýsyzuryp-soqqan videosy paida bolǵan edi. Rolik kadrlarynda avtomat asynǵan jáne forma kigender kafelerdiń birinde er adamdardy aiaýsyz uryp-soqqany kórinedi. Videoǵa túsirip otyrǵandar olardy sabyrǵa shaqyrady. Alaida olar qulaq aspaidy.
