2021 jylǵy 12-13 qańtar aralyǵynda departament bólimsheleri avariialyq-qutqarý jumystaryna 2 ret shyqty, dep habarlaidy Ravlodarnews.kz.
Oblystyq TJD baspasóz qyzmetiniń málimdeýinshe, qar qursaýynan 13 adam qutqaryldy. Azamattyq qorǵaý organdarynyń qyzmetkerleri barlyǵyn jylytý pýnktterine kóshirdi.
- Máselen, 2021 jylǵy 12 qańtarda 23 saǵat 5 minýtta Pavlodar oblysy TJ departamentiniń «112» pýltine Ekibastuz qalasyna qarasty Shiqyldaq aýyldyq aimaǵynda, Qaraǵandy oblysy baǵytyndaǵy 9 sorǵy stantsiiasynyń aýdanynda 2 avtokóliktiń qar qursaýynda qalyp qoiǵany týraly habarlama kelip tústi. Shiderti kentin kúzetý boiynsha № 14 órt sóndirý beketiniń qyzmetkerleri qar qursaýynan 9 adamdy qutqaryp, 2 avtokólikti shyǵaryp, olardy Shiderti kentiniń «Sarýjan» qonaq úiine ornalastyrǵan, - deidi departamentte.
Sondai-aq Ekibastuz qalasy Tórtkudyq aýyldyq aimaǵy Bosshakól stantsiiasynyń kópirine jetpei tehnika turyp qalǵan. № 14 órt sóndirý beketiniń qutqarýshylarymen qar qursaýynan 4 adam qutqarylyp, Shiderti kentiniń «Sarýjan» qonaq úiine jetkizildi. 2021 jylǵy 13 qańtardaǵy jaǵdai boiynsha oblystyq jáne respýblikalyq mańyzy bar joldardyń barlyq ýchaskeleri ashyldy.
