Pavlodar oblysynda kásipkerdiń 90 tonna shóbi janyp ketti, dep habarlaidy QazAqparat.
«12 qazanda 20 saǵat 46 minýtta Pavlodar qalasy, Soltústik ónerkásiptik aimaq, 2394 mekenjaiynda órt bolyp jatqany týraly habarlama kelip tústi. «Beibitova» jeke kásipkerliginiń qorshalǵan ashyq aýmaqta ornalasqan býylǵan 90 tonna shóbi órtendi. Aýmaǵy 280 sharshy metr», - dep habarlady Pavlodar oblysy Tótenshe jaǵdailar departamentiniń baspasóz qyzmetinen.
TJD oqiǵa eń jaqyn ornalasqan mamandandyrylǵan № 1 órt sóndirý bólimshesinen 8 shaqyrym jerde bolǵanyn atap ótti. Órt búgin tańerteń, saǵat 07.29-da sóndirildi.
«Órttiń shyǵý sebebi men keltirilgen shyǵyn anyqtalýda. Oqiǵa ornynda jeke quramnan 16 adam jáne 5 tehnika jumys istedi, zardap shekkender joq», - dedi departamentte.
