Sýret: Freepik.com
Pavlodarda oqýshylardyń ata-analary 13 jastaǵy jasóspirimdi aiaýsyz uryp-soqqan kinálilerdi jazalaýdy talap etip otyr. Sondai-aq olar osy jaitqa qatysy barlardy arnaiy mektepke aýystyrýdy suraidy, - dep habarlaidy Tengrinews.kz saity.
Pavlodarlyq ata-analar biyl shildede bir top kámeletke tolmaǵan bala 13 jastaǵy balany birneshe saǵat boiy uryp, mazaq etken jerge keldi.
"Oqiǵaǵa qatysýshylardyń barlyǵyn jazalaý kerek. Barlyǵy - 12 adam, barlyǵy kináli. Bireýi túsirdi, ekinshisi urdy, úshinshisi qol shapalaqtap, bárin jasai berdi. Balalar bir adamdy qoldady. Bul bes minýttyq tóbeles emes, úsh saǵattyq qorqytý boldy, endi olar kýáger sekildi ótip jatyr. Qalai úsh saǵat boiy jai ǵana baqylap, túkirip, sheshindirýge bolady? Elestetip kórińizshi, balanyń ústinde sekirip jatyr, 12 adamnyń eshqaisynda meiirim joq pa? Onda qyzdar da boldy ǵoi", - deidi ata-analar.
Pavlodar mektebiniń ata-analary. Foto: Tengrinews.kz
Olar osy oqiǵaǵa qatysýshylardyń ata-analary da jazalanýy kerek ekenin aitty.
"Eger ata-analary tárbiemen ainalyspasa, balalardy arnaiy mekemelerge bersin. Balalarymyz úshin qorqamyz jáne olardy osy jasóspirimderdiń áserinen qorǵaýdy suraimyz", - deidi oqýshylardyń analary.
Pavlodarlyqtar oqiǵaǵa qatysýshylardy arnaiy mektepke nemese turaqty qashyqtan oqytýǵa aýystyrýdy talap etetin petitsiia daiyndaǵan. Úndeýge 2,5 myńǵa jýyq adam qol qoidy. Alaida muǵalimder ata-analardyń ustanymymen kelispeidi.
"Olar áli de balalar ǵoi, qoǵamnan alystatýdyń qajeti joq. Balalar qatelesýge quqyly. Iá, olar teris qylyq jasady. Biraq olardy alshaqtaý arqyly biz teris áreket jasaimyz ǵoi", - deidi pavlodarlyq pedagog Botagóz Nurmaǵambetova.
Pavlodar oblysynyń adam quqyqtary jónindegi ýákili Natalia Pokidova balalardy mektepten shyǵaryp jiberýge bolmaitynyn aitady.
"Mektepten shyǵaryp jiberýge nemese olardy aýystyrýǵa quqyǵymyz joq. Sebebi olar - balalar. Tergeý áli aiaqtalǵan joq, merziminen buryn qorytyndy jasaýǵa bolmaidy. Tergeý ár qatysýshynyń kinásiniń anyqtaidy. Sot sheshiminen keiin ǵana qandai da bir shara qoldana alamyz. Úi qamaqta otyrǵan eki aiyptalýshy ata-analarynyń ótinishi boiynsha qashyqtan oqytýǵa aýystyryldy - bir oqýshy, ekinshisi biyl kolledjge tústi", - dedi Pokidova.
Onyń aitýynsha, taǵy úsh jasóspirim - kýáger, olar ádettegidei oqidy.
Aita keteiik, jaqynda Pavlodarda oblystyq ata-analar forýmy ótti, onda óńir pedagogtary mektep inspektorlaryn oqý oryndaryna qaitarýdy usyndy.
Eske salaiyq, Pavlodarda jasóspirimder 13 jastaǵy oqýshyny aiaýsyz uryp-soqqan oqiǵa boiynsha tergeý jalǵasyp jatyr. Oqýshylar ne bolyp jatqanyn videoǵa túsirgen, ol keiinirek áleýmettik jelide tarady.
Buǵan deiin isti tergeý Oqý-aǵartý ministrligi Balalardyń quqyǵyn qorǵaý komiteti men balalar ombýdsmeniniń baqylaýynda ekeni aitylǵan bolatyn.
