Pavlodarda zeinetker men sábidi qaǵyp ketken júrgizýshi mas bolǵan, dep habarlaidy QazAqparat.
Oblystyq politsiia departamenti baspasóz qyzmetiniń málimetinshe, keshe saǵat 19.32-de turǵyn úidiń aýlasynda 39 jastaǵy «Toiota Kamri Gratsiia» avtokóliginiń júrgizýshisi 1946 jyly týǵan áiel men 2021 jyly týǵan sábidi qaǵyp ketken.
«JKO saldarynan áiel men kishkentai bala túrli jaraqattarmen aýrýhanaǵa jatqyzyldy. Júrgizýshi ortasha dárejde mas bolǵan», - dep habarlady Pavlodar oblystyq politsiia departamenti bastyǵynyń birinshi orynbasary Jasqairat Qaiyrov.
Politsiiada avtokólik aiyp turaǵyna qoiylǵanyn habarlady. Atalǵan fakti boiynsha júrgizýshige qatysty Qazaqstan Respýblikasy QK 345-1-baby 1-bóligine sáikes sotqa deiingi tergeý bastaldy. Júrgizýshi ýaqytsha ustaý izoliatoryna qamaldy.
Eske sala keteiik, Pavlodarda tórt ailyq sábidi mashina qaǵyp ketti. Balamen birge qart áiel zardap shekti.
