Pavlodarda telefonnan shyqqan órtten qyzdyń basyn kúiik shaldy.Tilsiz jaý jatyn bólmeni tolyq sharpyǵan, dep habarlaidy Pavlodarnews.kz.
Oblystyq tótenshe jaǵdailar departamentiniń málimdeýinshe, oqiǵa 19 tamyz kúni saǵat 10:20-da Nurkin kóshesi, 116 mekenjaiyndaǵy 2 qabatty turǵyn úide oryn alǵan.
«Ekinshi qabattaǵy páterdiń jatyn bólmesinde órt shyǵyp, úi zattary men jihazdar janǵan. Jalyn 20 sharshy metr aýmaqty sharpydy. Saǵat 11:00-de órt tolyǵymen joiyldy. Oqiǵa ornynan 2002 jyly týǵan qyz aýrýhanaǵa jetkizildi. Qyzdyń basyn 30 paiyz kúiik shalǵan», - dedi qalalyq TJ basqarmasynyń basshysy m.a. Tilekjan Galiamov.
Departamenttiń habarlaýynsha, órttiń shyǵýyna elektr quraldaryn qoldaný kezinde órt qaýipsizdigi erejesin buzý sebep bolǵan. «Zardap shekken qyz uiyqtap qalǵan. Uialy telefony qýattaý kózine qosylyp, tósekte jatqan. Shyqqan órtten aldymen matras janǵan» , - dedi departamentte.
Oqiǵa ornyna órt sóndirýshi jeke quramnyń 16 adam men 5 tehnikasy, meditsinalyq kómektiń 3 adam men 1 tehnikasy jumyldyryldy.
